Take a fresh look at your lifestyle.

సోమవారం నుంచి సర్వదర్శనం టోకెన్ల జారీ నిలిపివేత

దేశంలో కోవిడ్‌ -19 ‌వేగంగా వ్యాప్తిచెందుతున్న నేపథ్యంలో తిరుమల శ్రీవారి దర్శనం కోసం సర్వదర్శనం టైంస్లాట్‌(ఎస్‌ఎస్‌డి) టోకెన్ల జారీని వొచ్చే సోమవారం నుంచి నిలిపివేస్తున్నట్లు టిటిడి ఒక ప్రకటనలో తెలిపింది. అనగా ఆదివారం (11.4.2021) సాయంత్రం వరకు మాత్రమే టోకెన్లు జారీ చేస్తారు. కొరోనా కేసులు ఉధృతమవుతున్న క్రమంలో మహారాష్ట్రలోని షిర్డీ ఆలయంలో భక్తులకు దర్శనం నిలుపుదల చేసిన విషయం విదితమే. తిరుపతి నగరంలో కూడా కొరోనా కేసులు క్రమేణా పెరుగుతున్నాయి. ఈ నేపథ్యంలో తిరుపతిలోని భూదేవి కాంప్లెక్స్, ‌విష్ణు నివాసంలో  సర్వదర్శనం టైంస్లాట్‌ ‌టోకెన్ల కోసం వేల సంఖ్యలో భక్తులు క్యూలైన్లలో వేచి ఉండడం వల్ల కొరోనా మరింతగా వ్యాప్తి చెందే ప్రమాదముందని టిటిడి ప్రకటనలో పేర్కొంది. ఈ పరిస్థితుల్లో భక్తుల ఆరోగ్య భద్రత దృష్ట్యా తీసుకున్న ఈ నిర్ణయాన్ని భక్తులు గమనించాలని విజ్ఞప్తి చేసింది. తదుపరి టోకెన్లు ఎప్పుడు జారీ చేసేది ముందుగా తెలియజేయడం జరుగుతుందని టిటిడి ప్రరటనలో తెలిపింది.

Leave a Reply