Take a fresh look at your lifestyle.

ఒత్తిడిని జయిస్తే పరీక్షల్లో విజయం మీదే..

‘‘‌పరీక్షలు దగ్గరపడుతున్నాయంటే విద్యార్థుల్లో భయం, ఆందోళన కనిపించడం  మామూ లే.ఇది కాస్తా ఎక్కువయితే ఒత్తిడిపెరిగిపోయి తమకు వచ్చిన సమాధానాలను కూడా పరీక్షల్లో రాయలేని పరిస్థితి ఎదురవుతుంది. అయితే కొద్దిపాటి జాగ్రత్తలు తీసుకుంటే ఇలాంటి పరిస్థితిని సులభంగా ఎదుర్కొని విజయం సాధించవచ్చు’’

exhams
వార్షిక పరీక్షలైనా, ప్రవేశపరీక్షలైనా దగ్గరపడుతు న్నాయంటే విద్యార్థులలో భయంతో కూడిన కొంత ఆందోళన మామూలే. అయితే ఇది కాస్తా ఎక్కువయితే ఒత్తిడి పెరిగిపోయి పరీక్షలలో వచ్చిన సమాధానాలను కూడా రాయలేని పరిస్థితి ఎదురవుతుంది. కొద్దిపాటి జాగ్రత్తలు తీసుకుంటే ఇలాంటి పరిస్థితిని జయించటం సాధ్యమే. కళాశాలలో, తరగతిలో చురుగ్గా ఉండే విద్యార్థులు చాలామంది ఉంటారు. అలాంటి విద్యార్థులలో మంచి మార్కులు తెచ్చుకోగలమని నమ్మకం, విశ్వాసం ఉంటుంది. ఉపాధ్యాయులలో, అధ్యాపకులలో, తల్లిదండ్రులలో అలాంటి నమ్మకమే ఉంటుంది. కానీ ఫిబ్రవరి, మార్చి రాగానే పరీక్షలు సమీపిస్తున్న కొద్దీ    కొందరి ప్రవర్తనలో మార్పు స్టార్ట్ అవుతుంది. ప్రీఫైనల్‌ ‌పరీక్షలు రాసేటపుడు తెలిసిన అంశాలు కూడా సరిగా గుర్తురావటం లేదు. వారిలో ఆందోళన మొదలవుతుంది. సబ్జెక్ట్ ‌నాలెడ్జ్‌లో ఎంతో ఫాస్ట్ ‌గా ఉన్నప్పటికీ పరీక్షలు  రాసేటపుడు  ఆ అంశాలు గుర్తుకు రావడమే ముఖ్యం. దీనికి ఒక కారణం పరీక్షలనగానే ఒత్తిడి కి గురికావడమే. కనిపించిన ప్రతి వారూ ‘నువ్వు ఎగ్జామ్స్‌కు ఎలా ప్రిపేర్‌ అవుతున్నావు. ఇప్పుడు రాసే ఎగ్జామ్స్ ‌బోర్డ్ ఎగ్జామ్స్ ‌కదా’ అని అడిగే సరికి అప్పటివరకూ ఉన్న ధై•ర్యం కాస్తా సన్నగిల్లుతుంది. నేను సరిగా చదువలేదేమో అనే కంగారు. చదివినవి పరీక్షాపత్రంలో రాకపోతే.. లేక చదివినవి ఆ సమయంలో గుర్తుకు రాకపోతే నా పరిస్థితి ఏమిటీ..అనే  భయాలు వెంటాడుతుంటాయి. సంవత్సరం చదివినదంతా ఎగ్జామ్స్ ‌సమయంలో రివిజన్‌ ‌చేసుకొని, పై చదువులకు భవిష్యత్తును నిర్ణయించే పరీక్షలను రాయడం తేలికైన పనేం కాదు.
పరీక్షల ఒత్తిడికి ప్రధానమైన కారణాలు
ప్రస్తుత విద్యావిధానం:  పరీక్షల అనంతరంపై చదువులకు వెళ్లాలంటే  రాష్ట్ర, జాతీయస్థాయిల్లో ఎంట్రెన్స్ ‌పరీక్షలు రాయాల్సిందే. ప్రస్తుత పోటీ ప్రపంచంలో ఏ కోర్సుల్లోనైనా  సీటు సంపాదించాలంటే తప్పనిసరిగా మంచి ర్యాంకు తెచ్చుకోవాల్సిందే. అందరూ విద్యార్థికి టార్గెట్‌ ఇచ్చే వారే. తల్లిదండ్రులూ, విద్యాసంస్థల యాజమాన్యాలు, బంధువులు.. ఇలా ప్రతి ఒక్కరూ చదివే విద్యార్థికి టార్గెట్‌ ఇచ్చే వారే. ఆ టార్గెట్‌ ‌ను అందుకోవడానికి, వారి ఆకాంక్షలను నెరవేర్చడానికి  విద్యార్థి నానా కష్టాలు పడుతుంటాడు.  నిజానికి ‘మరేమీ ఫర్వాలేదు, ఆందోళన పడవద్దు’ అని పిల్లలకు ధెర్యం చెప్పాల్సిన తల్లిదండ్రులే తమ పిల్లలు సరిగా పరీక్ష రాస్తారో లేదో, ర్యాంకు వస్తుందో రాదోనని ఆందోళనలకు గురవుతుంటారు. వారి ఆందోళనల వల్ల విద్యార్థి మరింత ఒత్తిడికి లోనయ్యే ప్రమాదం ఉంది.
అనవసర ఆలోచనలు:  తన తోటి స్నేహితులంతా అత్యధిక మార్కులు, ర్యాంకుల కోసం తీవ్రంగా పడుతున్న శ్రమ, ప్రొద్దున రాత్రి చదువుతున్న తీరును చూస్తూ వారికంటే తాను ఎక్కువ మార్కులు సాధించాలని, లేకపోతే జీవితం అంతా ఏమవుతుందోనన్న ఆలోచనలూ వెంటాడుతుంటాయి.
ఫెయిల్యూర్‌ ‌భయం: గతంలో ఏదైనా సబ్జెక్ట్‌లో తక్కువ మార్కులు రావడం, ఆ సబ్జెక్ట్ ‌చాలా కఠినంగా ఉందనీ, ఎప్పుడు రాసినా తక్కువ మార్కులే వస్తున్నాయనీ, ఇప్పుడు కూడా విఫలమవుతానేమోనని భయపడడం.
సమయాభావం: చాలామంది విద్యాసంవత్సరమంతా ఎంజాయ్‌చేసి పరీక్షలు దగ్గరపడినపుడు పుస్తకాలను ముందు పెట్టుకుని చదవడం ప్రారంభిస్తారు. ఈ కొద్దిరోజుల్లో ఇంత సిలబస్‌ ‌పూర్తిచేయలేమేమో అనే ఆందోళన, ఒత్తిడి మొదలవుతాయి.నెగెటివ్‌ ఆలోచనలు: పరీక్షలలో తెలిసిన ప్రశ్నలు వస్తాయో రావో, వచ్చినా పేపర్‌ ‌వాల్యుయేషన్‌ ‌చేసేవారు మార్కులు సరిగా వేస్తారో, వేయరో అనేవి నెగెటివ్‌ ఆలోచనలు రావడం.ఆత్మ విశ్వాసం సన్నగిల్లడం: మంచిగా చదివే విద్యార్థుల్లో సైతం ఆత్మవిశ్వాసం లోపించడం వల్ల పరీక్షలు సమీపిస్తుండగానే భయం, ఒత్తిడి మొదలవుతాయి.ఇటువంటి భయాలను, అనుమానాలను అధిగమించడానికి ఈ కింది సలహాలను పాటిస్తే పరీక్షలు రాయడం, మంచిమార్కులు సాధించడం తేలిక అవుతుంది.
ఉల్లాసం ఉత్సాహం: పరీక్షల సమయంలో విద్యార్థులు ఉల్లాసంగా, ఉత్సాహంగా ఉండాలి. మనసును హాయిగా ఉంచుకునే ప్రయత్నం చేయాలి. సమయం దొరికినపుడు మనసుకు సరిపడా విశ్రాంతిని ఇవ్వాలి.సబ్జెక్ట్ ‌మీద పట్టు: ప్రిపరేషన్‌ ‌మార్కులకోసం కాకుండా సబ్జెక్టు మీద పట్టుకోసం కృషి చేయడం అలవాటు చేసుకోవాలి. ఎంసెట్‌ ‌లాంటి ప్రవేశపరీక్షలు రాయబోయేవారికి సబ్జెక్టు మీద అవగాహన ఎంతో అవసరం.  పరీక్షల ప్రారంభ సమయం దాకా సిలబస్‌ను అలాగే ఉంచకుండా ఎప్పటికప్పుడు క్షుణ్ణంగా చదువాలి. సబ్జెక్ట్‌లో అనుమానాలు వస్తే వాటిని ఎప్పటికప్పుడు నివృత్తి చేసుకోవాలి. పరీక్షలప్పుడు వచ్చే సందేహాలు ఎక్కువ ఒత్తిడికి గురిచేస్తాయి. చదివిన పాఠాల్లో ముఖ్యమైన అంశాలను బులెట్‌ ‌పాయింట్లుగా నోట్‌ ‌చేసుకోవాలి. వాటిని తెలిసిన విషయాలతో లింక్‌ ఏర్పాటు చేసుకుంటే ఎప్పటికీ మర్చిపోయే అవకాశం ఉండదు.
రివిజన్‌: ‌పరీక్షల సమయంలో ప్రతి సబ్జెక్ట్‌కు తగిన సమయం కేటాయించుకుని, ప్రణాళిక ప్రకారంగా  రివిజన్‌ ‌చేసుకోవాలి. నిర్వచనాలు, పట్టికలు, సూత్రాలు, రసాయనిక సమీకరణాలు, స్పెల్లింగులు పూర్తిస్థాయిలో అర్థం చేసుకుంటూ చదివి గుర్తుపెట్టుకోవాలి. రివిజన్‌ ‌సమయంలో చదవడానికి సులభంగా ఒక పేపర్‌ ‌పైన రాసుకుని చదువుకునే గది గోడపైన అంటించుకోవాలి.
గత ప్రశ్నాపత్రాల జవాబులు ప్రాక్టీస్‌ ‌చేయడం: గత సంవత్సరాల ప్రశ్నపత్రాలకు నిర్దిష్ట సమయంలో జవాబులు రాయటం  ప్రాక్టీస్‌ ‌చేస్తే మంచిది. దీనివల్ల పరీక్షపై ఉండే భయం తగ్గిపోయి, ప్రశ్నలు ఏ విధంగా ఉంటాయో జవాబులు ఎలా రాయాలో అనే విషయాలపై అవగాహన ఏర్పడుతుంది. ఒకటే ప్రశ్నను తిప్పితిప్పి ఎన్ని రకాలుగా ఇస్తారో అవగాహన వస్తుంది. నిర్దేశిత సమయంలో ప్రశ్నలకు జవాబులు రాయడం తెలుస్తుంది.
శారీరక వ్యాయామం: రోజూ కనీసం అరగంటసేపు శారీరక వ్యాయామం చేస్తే శారీరక, మానసిక ఆరోగ్యానికి మేలు జరిగి మెదడు చురుగ్గా పనిచేస్తుంది.
మీకు మీరే బాస్‌ : ‌మీ ఆలోచనా విధానం, మీ నిర్ణయాలు, పరీక్షలపుడు ఏం చేయాలి అనే అనే విషయాలపై దృఢ నిశ్చయంతో సిద్ధంకావాలి.పరీక్షల్లో మీరు తీసుకొనే నిర్ణయానికి మీరే బాస్‌ అనే పాజిటివ్‌ ‌దృక్పథంతో ముందు కువెళ్లాలి.
image.png
అట్ల శ్రీనివాస్‌ ‌రెడ్డి
సైకాలజిస్ట్ ‌మరియు కౌన్సెలర్‌
9703935321

Leave a Reply

error: Content is protected !!