రాష్ట్ర గవర్నరు వ్యవసాయ విశ్వవిద్యాలయ పర్యటన

రాష్ట్ర గవర్నరు డాక్టర్ తమిళిసై సౌందరరాజన్ ఈ రోజు ఉదయం ప్రొఫెసర్ జయశంకర్ తెలంగాణా రాష్ట్ర వ్యవసాయ విశ్వవిద్యాలయాన్ని సందర్శించారు.ముందుగా యానివర్శిటీ ప్రాంగణంలోని ప్రొఫెసర్ జయశంకర్ కాంశ్య విగ్రహానికి పూలమాల వేసి నివాళులు అర్పించారు.

అనంతరం,  విశ్వవిద్యాలయ పరిధిలో గల పలు పరిశోధనా కేంద్రాలను సందర్శించి అక్కడ జరుగుతున్న పరిశోధనలు గురించి అడిగి తెలుసుకున్నారు.  స్థానిక విశ్వవిద్యాలయ ప్రొఫెసర్ లతో, శాస్త్రవేత్తలతో, విద్యార్థులతో అనేక వ్యవసాయ పరిశోధనా విషయాలు అడిగి తెలుసుకున్నారు.

యునివర్శిటీలోని ఆడిటోరియంలో వినూత్నంగా  ఏర్పాటు చేసిన ఎగ్జిబిషన్ తిలకించి, సుమారు
గంటన్నర సేపు స్థానిక శాస్త్రవేత్తలు, విద్యార్ధులతో సమావేశమయ్యారు. వారు  చెప్పిన  అనేక
విషయాలను ఆమె శ్రద్ధగా ఆలకించారు.ముందుగా, విశ్వవిద్యాలయంలోని వరి పంటలో వినియోగిస్తున్న నూతన టెక్నాలజీల్ని, అలాగే,హార్టికల్చర్, చిరుధాన్యాల వినియోగం, చీడపీడల నివారణకై చేపడుతున్న పరిశోధనలు తదితర అంశాలు గురించి ఆమె నిశితంగా అడిగి తెలుసుకున్నారు. విశ్వవిద్యాలయాల ఛాన్సలర్ హోదాలో తాను రాష్ట్రంలో వున్న విశ్వవిద్యాలయాలను ఒక్కొక్కటిగారానున్న రోజుల్లో పర్యటించనున్నానని ఆమె ప్రకటించారు.