ముల్కీ రూల్స్ పునరుద్ధరించాలి
ముల్కీరూల్స్ కొత్తగా నిర్వచించి 1956 స్థానికతను పరిగణలోకి తీసుకొని విద్య, ఉద్యోగ అవకాశాల్లో అన్ని నియామకాలలో ఈ సూత్రం పాటించాలి. ఇక్కడి భూమి పుతృలకు అవకాశాలు దక్కే విధంగా ఖచ్చితమైన నిబంధనలు రూపొందించకపోతే భవిష్యత్‌ తరాలు బాగుపడవు. తెచ్చుకున్న తెలంగాణాకు అసలు అర్దం ఉండదు, చరిత్ర మనల్ని క్షమించదు. నియామకాల్లో ఈ అంశాన్ని ఖచ్చితంగా పరిగణలోకి తీసుకోవాలి. ప్రభుత్వం ద్వారా భూమి మరియు ఇతర సదుపాయాలు పొందుతున్న ప్రైవేటు యాజమాన్యాలు కూడా ఇక్కడి స్థానికులకు అధిక అవకాశాలు ఇవ్వాలనే ఖచ్చితమైన నిబంధనలు తీసుకురావాలి.ముల్కీ రూల్స్ పునరుద్ధరణనే అన్ని సమస్యలకు ఏకైక పరిష్కారం.‘ముల్కీరూల్స్ పునరుద్ధరణ’ డిమాండ్‌పై దృష్టి సారించాల్సిన బాధ్యత తెలంగాణాలోని అన్ని రాజకీయ పార్టీలు, మేధావులు, విద్యావంతులు, రచయితలు, కవులు, కళాకారులు, విధ్యార్థులు, యువకులు, నిరుద్యోగుల అందరి పైన ఉంది.
తెలంగాణ రాష్ట్రంలో ఉద్యోగ ఉపాధి అవకాశాలు కేవలం తెలంగాణ భూమి పుతృలకే దక్కాల్సిన ఆవశ్యకత కనబడుతోంది. ప్రత్యేక రాష్ట్రం ఏర్పడిన తరువాత కూడా అన్ని అవకాశాలల్లో తెలంగాణ ప్రాంత మూల వాసులకు అన్యాయం జరుగుతుందన్న భావన అందరిలోనూ వ్యక్తమవుతోంది.‘ముల్కీరూల్స్’ ను పునరుద్ధరించే అవసరం ఖచ్చితంగా ఉంది. నిజం చెప్పాలంటే సమైక్య రాష్ట్రంలో కన్నా ప్రత్యేక రాష్ట్రంలోనే ముల్కీరూల్స్ ఆవశ్యకత మరింతగా ఉంది.తెలంగాణా ప్రత్యేక రాష్ట్రంగా ఏర్పడిన జోన్లు ఏర్పాటు అవుతున్న తరుణంలో ‘ముల్కీరూల్స్’ ఆరుసూత్రాల అమలు, ఫెయిర్‌షేర్‌ ఎం‌దుకు అన్న ప్రశ్నలు రావచ్చేమో! కాని ప్రత్యేక తెలంగాణా రాష్ట్రంలో భవిష్యత్‌లో జరిగే నియామక పక్రియలో ఇక్కడి భూమి పుత్రులకు అవకాశాలు దక్కాలంటే ‘ముల్కీరూల్స్’ పునరుద్ధరణ అవసరం ఉంది.
ఆది నుండి ఉద్యోగ నియామకాల విషయంలో ఇక్కడి భూమి పుత్రులకు, స్థానికుకు అన్యాయమే జరుగుతుంది.స్థానికేతరులు వచ్చి ఉద్యోగాలు దక్కించుకోవడం వల్ల స్థానిక, నిరుద్యోగులు నిరంతరం ఆందోళనలు లేచేయవలసి వచ్చింది. 1919లో ఏడవ నిజామ్ మీర్‌ ఉస్మాన్‌అలీ స్థానిక నివాస నిబంధనలు (ముల్కీరూల్స్) క్రమబద్ధం చేశారు.హైదరాబాద్‌ రాష్ట్రంలో జన్మించిన వారు, మరియు వరుసగా 15 సంవత్సరాలపాటు స్థానికంగా నివాసం ఉన్న వారిని ముల్కీలుగా పరిగణించవచ్చని ఫర్మానా జారీచేశారు. అయినా సరే ఒకవైపు ముల్కీరూల్స్ ఉల్లంఘనలు జరగడం,మరోవైపు నిబంధనలు అమలు చేయానీ ఆందోళనలు తరచుగా జరిగాయి.![]()
ఆది నుండి ఉద్యోగ నియామకాల విషయంలో ఇక్కడి భూమి పుత్రులకు, స్థానికుకు అన్యాయమే జరుగుతుంది.స్థానికేతరులు వచ్చి ఉద్యోగాలు దక్కించుకోవడం వల్ల స్థానిక, నిరుద్యోగులు నిరంతరం ఆందోళనలు లేచేయవలసి వచ్చింది. 1919లో ఏడవ నిజామ్ మీర్‌ ఉస్మాన్‌అలీ స్థానిక నివాస నిబంధనలు (ముల్కీరూల్స్) క్రమబద్ధం చేశారు.హైదరాబాద్‌ రాష్ట్రంలో జన్మించిన వారు, మరియు వరుసగా 15 సంవత్సరాలపాటు స్థానికంగా నివాసం ఉన్న వారిని ముల్కీలుగా పరిగణించవచ్చని ఫర్మానా జారీచేశారు. అయినా సరే ఒకవైపు ముల్కీరూల్స్ ఉల్లంఘనలు జరగడం,మరోవైపు నిబంధనలు అమలు చేయానీ ఆందోళనలు తరచుగా జరిగాయి.
1948లో వెల్లోడి హాయాంలో స్థానికేతరుల అక్రమ నియామకాలు విపరీతమైనాయి. 1952 నాటికి దాదాపు 5,000 మంది స్థానికేతరులు ప్రభుత్వ ఉద్యోగాలలో (స్థిరపడ్డారని నాటి ప్రభుత్వమే ప్రకటించి) బూరుగుల రామకృష్ణ రావు గారి హయాంలో కూడా ముల్కీ ఆందోళనలు కొనసాగాయి. 1956 నుండి 68 వరకు ముల్కీ రూల్స్‌కి విరుద్ధంగా అక్రమంగా తెలంగాణా ఉద్యోగాలలో చొరబడిన ఆంధ్రా ఉద్యోగుల సంఖ్య 22 వేలకు పైగా ఉందని విషయాన్ని ఒప్పుకున్న కాసు బ్రహ్మానందరెడ్డి ప్రభుత్వం ఆంద్రా ఉద్యోగులను వెనక్కి పంపడానికి జీవో నెం 36 ను జారీ చేసింది. దీనిని వ్యతిరేకించిన ఆంధ్ర ఉద్యోగులు హైకోర్ట్ తదుపరి సుప్రీంకోర్ట్‌ను ఆశ్రయించి చివరకు ఆక్టోబర్‌ 1972 ‘ముల్కీరూల్స్ రాజ్యాంగ బద్దమేనని’ సుప్రీంకోర్ట్ చారిత్రాత్మక తీర్పునిచ్చింది, కాని వెంటనే వచ్చిన ‘‘జై ఆంధ్ర ఉద్యమ ప్రభావంతో రాజ్యాంగ సవరణ చేసి మూల్కీరూల్స్ ఒక ముద్రలో రద్దు చేయించి దాని స్థానంలో ఆరు సూత్రాల పథకం అమలులోకి తెచ్చాయి. రాష్ట్రపతి ఉత్తర్వులు సైతం ఉల్లంఘించి, వక్రీకరించి తెలంగాణా ఉద్యోగాల లో 58 వేల మంది ఆక్రమంగా చొరబడినట్లు జయభారత్‌రెడ్డి కమిషన్‌ పేర్కొంది. తత్‌ఫలితంగా ఎన్‌టిఆర్‌ ప్రభుత్వ హయాంలో 610 జీవో వచ్చింది కాని ఆ జీవో సచివాలయం గోడలు దాటలేదు.. ముప్పయి ఏండ్లు అమలు కాకుండా పోయింది.
1985 నుండి మరింత యదేచ్చగా ఉల్లంఘనలు జరిగి కార్పోరేషన్లు బోర్డ్‌లు, ప్రభుత్వరంగ సంస్థలు, విశ్వవిద్యాలయాలు, ప్రభుత్వ గ్రాంట్‌ పొందే సంస్థలన్నింటి లోను 70 నుండి 80 శాతం వరకు సీమాంద్ర అధికారులు, ఉద్యోగాలతో నిండిపోయాయి. స్థానికుల నిష్పత్తిని, తగ్గించడం, జోన్‌నిబంధనలు పాటించకపోవడం ఓపెన్‌ కేటగిరి ఉద్యోగాలన్ని స్థానికేతరుల కోటాగా వక్రీకరించి జిల్లా, జోన్‌, క్యాడరు, మార్చటం. శాఖాధిపతుల కార్యాలయాన్ని పెంచడం, స్థానికుల బ్యాక్‌లాగ్‌ పోస్ట్‌లలో స్థానికేతరులను నియమించడం, బోగస్‌ సర్టిఫికెట్లు సృష్టించి స్థానికులుగా ఇక్కడ ఉద్యోగాలు పొందడం తెలంగాణా జిల్లాలో తాలుకా, మండల కేంద్రాల్లో కూడా ఉద్యోగ అవకాశాలు స్థానికేతరులుసంపాదించడం ఇక్కడి నిరుద్యోగ యువతలో నోట్లో మట్టికొట్టడం పరిపాటైపోయింది. సమైక్యరాష్ట్రంలో 1956 నుండి తెలంగాణా యువతకు తీర్చలేని అన్యాయం జరిగింది. రాష్ట్ర ప్రభుత్వంలో ఉన్న 13 లక్షల పోస్ట్‌లలో న్యాయానికి తెలంగాణ వాటా 5.20 లక్షలు ఉండాలి కాని అసలు, సిసలు తెలంగాణా వారు కనీసం 1.50 లక్షలు మించి ఉండరు. దాదాపు 3.70 లక్షల ఉద్యోగాలు తెలంగాణా కోల్పోయింది.
అరవై ఏండ్ల పాటు లక్షలాది ఉద్యోగాలు కోల్పోవడంలో కొన్ని తరాల నుండి ఇక్కడి నిరుద్యోగులకు పూడ్చలేని నష్టం జరిగింది. ఇంకోవైపు ఇక్కడి ఉద్యోగులు సహా ప్రాంతీయుల ఆధిపత్య వివక్షలను ఎదుర్కోవలసి వచ్చింది. జయభారత్‌ రెడ్డి కమిషన్‌, గిర్‌గ్లాని కమిషన్‌ సిఫారసులు చెల్లుబాటు కాలేదు. రేవూరి ప్రకాష్‌ రెడ్డి కమిటి, ఉత్తమ్‌ కుమార్‌రెడ్డి కమిటి, రోషయ్య కమిటీలు కాలయాపనకే పరిమితమైనాయి తప్ప ఇక్కడి స్థానికులకు, భూమి పుత్రులకు జరిగిన అన్యాయాన్ని సవరించలేకపోయాయి.అందుకే ప్రత్యేక తెలంగాణా ఉద్యమంలో ‘నియామకాల’ అంశం కీలకమైంది. పోరాటాల ఫలితంగా ప్రత్యేక రాష్ట్రం ఏర్పడింది కాని ఆరు సంవత్సరాలయినా అన్యాయాల పరంపర కొనసాగుతోంది. అక్రమంగా ఉద్యోగాలు పొందిన ‘ఆంధ్రా’ ఉద్యోగులు గత ఆరేండ్ల నుండి విభజన చట్టం లొసుగుల ముసుగుతో ఇక్కడ కొనసాగుతూ తమ వారసులకు ఉద్యోగాలుకట్టబెట్టే పనిలో ఉన్నారనే విషయాన్ని ప్రభుత్వం గమనించాలి.
ముల్కీరూల్స్ కొత్తగా నిర్వచించి 1956 స్థానికతను పరిగణలోకి తీసుకొని విద్య, ఉద్యోగ అవకాశాల్లో అన్ని నియామకాలలో ఈ సూత్రం పాటించాలి. ఇక్కడి భూమి పుతృలకు అవకాశాలు దక్కే విధంగా ఖచ్చితమైన నిబంధనలు రూపొందించకపోతే భవిష్యత్‌ తరాలు బాగుపడవు. తెచ్చుకున్న తెలంగాణాకు అసలు అర్దం ఉండదు, చరిత్ర మనల్ని క్షమించదు. నియామకాల్లో ఈ అంశాన్ని ఖచ్చితంగా పరిగణలోకి తీసుకోవాలి. ప్రభుత్వం ద్వారా భూమి మరియు ఇతర సదుపాయాలు పొందుతున్న ప్రైవేటు యాజమాన్యాలు కూడా ఇక్కడి స్థానికులకు అధిక అవకాశాలు ఇవ్వాలనే ఖచ్చితమైన నిబంధనలు తీసుకురావాలి.ముల్కీ రూల్స్ పునరుద్ధరణనే అన్ని సమస్యలకు ఏకైక పరిష్కారం.‘ముల్కీరూల్స్ పునరుద్ధరణ’ డిమాండ్‌పై దృష్టి సారించాల్సిన బాధ్యత తెలంగాణాలోని అన్ని రాజకీయ పార్టీలు, మేధావులు, విద్యావంతులు, రచయితలు, కవులు, కళాకారులు, విధ్యార్థులు, యువకులు, నిరుద్యోగుల అందరి పైన ఉంది.
సురేష్‌ కాలేరు
రాష్ట్ర సహాధ్యక్షులు
తెలంగాణ ఉద్యోగుల సంఘం