Take a fresh look at your lifestyle.

ఎపి ఇంటర్‌ ‌ఫలితాలు విడుదల

ఫలితాలను వెల్లడించిన మంత్రి సురేశ్‌
‌కరోనా తగ్గాక అసవరమైతే బెటర్‌మెంట్‌ ‌పరీక్షలు
అమరావతి,జూలై23 : ఇంటర్మీడియెట్‌ ‌సెకండియర్‌ ‌ఫలితాలు శుక్రవారం విడుదలయ్యాయి. రాష్ట్ర విద్యాశాఖ మంత్రి ఆదిమూలపు సురేష్‌ ‌ఫలితాలను విడుదల చేశారు. సెకండియర్‌ ‌విద్యార్థులందరూ పాస్‌ అయినట్లు ఆయన ప్రకటించారు. ఇంటర్‌ ‌సెకండియర్‌ ‌విద్యార్థులను ప్రమోట్‌ ‌చేస్తున్నామన్నారు. సుప్రీంకోర్టు సూచనల మేరకు పరీక్షలు రద్దు చేశామని, కరోనా నిబంధనలు పాటించి ప్రాక్టికల్‌ ‌పరీక్షలు నిర్వహించామని మంత్రి సురేష్‌ ‌పేర్కొన్నారు. పదవ తరగతిలో అత్యధిక మార్కులు సాధించిన మూడు సబ్జక్ట్‌ల యావరేజ్‌కి 30 శాతం.. ఇంటర్‌ ‌మొదటి ఏడాదిలో ప్రతిభకి 70 శాతం వెయిటేజ్‌తో ఫలితాలు ప్రకటించామని ఆయన పేర్కొన్నారు. ఫస్ట్ ఇయర్‌లో ఫెయిల్‌ అయిన విద్యార్థులను కూడా పాస్‌ ‌చేశామని తెలిపారు. విద్యార్థులకు ఈ ఫలితాలపై అసంతృప్తి ఉంటే కోవిడ్‌ ‌తగ్గిన తర్వాత పరీక్షలు నిర్వహించడానికి సిద్ధంగా ఉన్నామని మంత్రి పేర్కొన్నారు. భవిష్యత్‌లో ఇబ్బంది లేకుండా మార్కులే ప్రకటించామన్నారు.

మొదటి సంవత్సరం విద్యార్థులను కూడా ప్రమోట్‌ ‌చేస్తున్నామన్నారు. భవిష్యత్‌లో పరిస్థితులు అనుకూలిస్తే బెటర్‌మెంట్‌ ‌పేరుతో పరీక్షలు నిర్వహిస్తామన్నారు. పదవ తరగతి ఫలితాలను వారం రోజులలో ప్రకటిస్తామని మంత్రి వెల్లడించారు. ఇంటర్‌, ‌డిగ్రీ అడ్మిషన్లు ఆన్‌ ‌లైన్‌ ‌లోనే నిర్వహిస్తామని పేర్కొన్నారు. అడ్మిషన్లలో అవకతవకలకి పాల్పడే కళాశాల యాజమాన్యాలపై చర్యలు తీసుకుంటామని మంత్రి సురేష్‌ ‌హెచ్చరించారు. ఇంటర్మీడియెట్‌ ‌సెకండియర్‌ ‌ఫలితాలపై విద్యార్థులకు అసంతృప్తి ఉంటే కోవిడ్‌ ‌తగ్గిన తర్వాత పరీక్షలు నిర్వహించడానికి సిద్ధంగా ఉన్నామని సురేష్‌ ‌స్పష్టం చేశారు. శుక్రవారం సాయంత్రం ఇంటర్‌ ‌సెకండియర్‌ ‌ఫలితాలను విడుదల చేసిన సందర్భంగా ఆయన మాట్లాడుతూ, భవిష్యత్‌ ‌లో ఇబ్బంది లేకుండా మార్కులే ప్రకటించామని, మొదటి సంవత్సరం విద్యార్థులను కూడా ప్రమోట్‌ ‌చేస్తున్నామన్నారు. ఇంటర్‌, ‌డిగ్రీ అడ్మిషన్లు ఆన్‌లైన్‌లోనే నిర్వహిస్తామని పేర్కొన్నారు.

Leave a Reply