Take a fresh look at your lifestyle.

అక్షర క్షేత్రంలో నరమేధం

అగ్రరాజ్యం అమెరికాలో
తుపాకి సంస్కృతి పెచ్చరిల్లి
మరో నరమేదాన్ని సాగించింది

ఉన్మాద భూతం జడలు విప్పి
పాఠశాల మీద విషం చిమ్మింది

మనోదౌర్బల్యం వెర్రితలలు వేసి
పసి పిల్లలు ప్రాణాలు బలిగొంది

ఓ సైకో కిల్లర్‌ ‌బడిలోకి చొరబడి
కాల్పులకు తెగబడిన దుర్ఘటన
టెక్శాస్‌ ‌రాష్ట్రాన్ని వణికించింది

చెల్లాచెదురై పడిన మృతదేహాలు
మృతుల తల్లిదండ్రుల రోధనలతో
పాఠశాల స్మశానాన్ని తలపించింది

ఆత్మరక్షణకై తెచ్చుకున్న చట్టాలే
ఆ దేశానికి యమపాశంగా మారి
మరణఘంటికలు మోగిస్తున్నాయ్‌
‌జనాల ప్రాణాలను హరిస్తున్నాయ్‌

ఈ ‌తుపాకి హింస కొత్తేమి కాదు
అలాగని చివరిది కూడా కాబోదు

- Advertisement -

ఇపుడు మొక్కుబడి చర్యలతో
ఆరిన జ్ఞాన జ్యోతులు వెలగవు

జాతీయ జెండా అవతనంతో
ఉన్మాద జాడ్యం కడతేరిపోదు

ఇప్పటికైనా..
ప్రపంచ దేశాలు సమైక్యమై

ఈ తుపాకి కల్చర్‌ ‌కట్టడికి
కఠినచట్టాలు రూపొందించి

పటిష్టంగా అమలు పరిస్తేనే
భావితరాల భవితవ్యం భద్రం
మానవాళి అస్తిత్వం సురక్షితం

( టెక్సాస్లో  సైకో కాల్పులకు బలైన వారికి నివాళి అర్పిస్తూ…)
– కోడిగూటి తిరుపతి, 9573929493

Leave a Reply