Take a fresh look at your lifestyle.

రేపటి నుంచి భారత్‌లో ఆక్స్‌ఫర్డ్ ‌టీకా తుదిదశ ట్రయల్స్

ఆక్స్‌ఫర్డ్ ‌యూనివర్శిటీ రూపొందించిన కొరోనా టీకాకు సంబంధించి తుది దశ క్లినికల్‌ ‌ట్రయల్స్ ‌భారత్‌లో సోమవారం నుంచీ ప్రారంభం కానున్నాయి. సీరమ్‌ ఇన్‌స్టిట్యూట్‌ ఆఫ్‌ ఇం‌డియా ఆధ్వర్యంలో పుణెకు చెందిన సస్సోన్‌ ‌జనరల్‌ ‌హాస్పిటల్‌లో ఈ ట్రయల్స్ ‌జరగనున్నాయి. ‘కోవీషీల్డ్(ఆక్స్‌ఫర్డ్ ‌టీకా) వ్యాక్సిన్‌కు సంబంధించి ఫేజ్‌-3 ‌క్లీనికల్‌ ‌ట్రయల్స్ ‌సోమవారం నుంచీ ప్రారంభమవ్వచ్చు’ అని సస్సోన్‌ ‌జనరల్‌ ‌హాస్పిటల్‌ ‌డీన్‌ ‌మురళీధర్‌ ‌తంబే ప్రకటించారు.

ఈ తుది దశ టీకా పరీక్షల్లో 150 నుంచి 200 మంది వలంటీర్లు పాలుపంచుకోనున్నారు. ఇప్పటికే కొంత మంది తమ పేర్లు నమోదు చేసుకున్నట్టు మురళీధర్‌ ‌తెలిపారు. ఈ ట్రయల్స్‌లో పాలుపంచుకోవాలనుకుంటున్న వారు హాస్పిటల్‌ని సంప్రదించాలని ఆయన సూచించారు. ఆక్సఫర్డ్ ‌టీకాకు సంబంధించి రెండో దశ ఫేజ్‌-2 ‌క్లీనికల్‌ ‌ట్రయల్స్‌ను పూణెకు చెందిన భారతీ విద్యాపీఠ్‌ ‌మెడికల్‌ ‌కాలేజ్‌, ‌కింగ్‌ ఎడ్వర్డ్ ‌మెమోరియల్‌ ‌హాస్పిటల్‌లో జరిగాయి.

Leave a Reply