Take a fresh look at your lifestyle.

గడ్డాలొచ్చినా అడ్డాలనాటి బిడ్డలే..!

“విధి వంచితులు.. అందరి లాగే తమ పిల్లలు కూడా పెరిగిపెద్దవారై ప్రయోజకులై తమను ఆదుకోవాలని ఆ తల్లిదండ్రులు  ఆశించారు.. కానీ తానొకటి తలిస్తే దైవమొకటి తలచినట్లు..నాలుగు పదుల వయసులోనూ అన్నింటా అమ్మే  తోడై సపర్యలు చేయాల్సిన దుస్థితి..పుట్టిన ముగ్గురు కొడుకులు మానసిక, శారీరక వికలాంగులులై నిస్సహాయస్థితిలో మంచానికే పరిమితమయ్యారు.. ఇటీవల ఆ ఇంటి యజమాని మరణంతో ఆ కుటుంబ పరిస్థితి మరింత దిగజారింది.”

యుక్త వయసులోనూ తల్లి సేవలే••..
పుట్టినవారంతా మానసిక, శారీరక వికలాంగులే..
బరువు తీర్చాల్సిన వారే భారమయ్యారు..
మేనరిక వివాహమే కారణమా..?

On strategies in the upcoming elections ..

ప్రారబ్ధం అంటారు ఆధ్యాత్మికవేత్తలు.. అదేమీ లేదు..మేనరికపు వివాహమే కారణం అంటారు ఇప్పటి శాస్త్రవేత్తలు..ఏదేమైనా ఆ కుటుంబాన్ని విధి వెక్కిరించింది. శారీరక, మానసిక రుగ్మతలతో బుద్ధి మాంద్యం, శారీరక ఇబ్బందులు తలెత్తడంతో ఇల్లు కదలలేని దుస్థితే కాదు, కనీసం వారి పనులు వారు చేసుకోలేని నిస్సహాయులుగా మారడంతో భవిష్యత్తు అందకారమయ్యింది. పెరిగి పెద్దవారై•• తమ కాళ్ళపై తాము నిలబడి తల్లిదండ్రులకు చేయూతనివ్వాల్సిన వారు ఇంటికే పరిమితమైపోయారు. మానసికంగా, శారీరకంగా వికలాంగులుగా మారి కన్న తల్లితో నేటికీ సేవలు చేయించుకుంటున్నారు. వివరాల్లోకి వెళితే..మేడ్చల్‌-‌మల్కాజిగిరి జిల్లా మేడిపల్లి మండలం బోడుప్పల్‌ ‌బల్దియా పరిధిలోని చెంగిచర్లకు చెందిన శ్రీమతమ్మకు మేనభావ గగ్గలపల్లి శంకర్‌రెడ్డితో సుమారు 40 సంవత్సరాల క్రితం వివాహమయ్యింది. వీరికి నరేష్‌ ‌రెడ్డి (35), విఘ్నేశ్వర్‌ ‌రెడ్డి (32), ప్రవీణ్‌రెడ్డి (29) కలిగారు. ఇద్దరు పెద్ద కొడుకులు పుట్టినప్పటి నుండి పదేళ్ళ వయసు వచ్చేంతవరకు ఆరోగ్యంగానే ఉన్నారు. అంతేకాదు..నరేష్‌ ‌రెడ్డి 4వ తరగతి వరకు, విఘ్నేశ్వర్‌ ‌రెడి 3వ తరగతి వరకు బోడ్పుప్పల్‌లోని ఓ ప్రైవేటు పాఠశాలలో చదివారు.
వయసు పెరుగుతున్న కొద్దీ వీరి ఆరోగ్యంలో మార్పులు రాసాగాయి. దీంతో తల్లిదండ్రులు వీరిని నగరంలోని అనేక ప్రైవేటు హాస్పిటళ్లలో తిప్పి వైద్యం చేయించినా ఫలితం లేకపోగా వ్యాధి ముదిరిపోతూ బుద్ధి మాంద్యులుగా మారిపోయారు. ఈ పిల్లలకు మెదడు, నరాలు బలహీనమయ్యాయని, గర్భంలోనే ఈ వ్యాధిసంమ్రించిందని, దీనికి మేనరిక వివాహం కారణమని వైద్యులు అన్నారని ఆమె కన్నీటి పర్యంతమయ్యింది. కాగా చిన్న కొడుకు ప్రవీణ్‌ ‌రెడ్డి చిన్ననాటి నుండే బుద్ధి మాంద్యం, వికలాంగతతో పుట్టినట్లు, అతడిని వైద్యులకు చూయించినా పెద్ద వాళ్లకున్న సమస్యే ఇతనికీ ఉందన్నారని శ్రీమతమ్మ తెలిపారు. అంతో ఇంతో పెద్ద కొడుకు నరేష్‌ ‌రెడ్డి అస్పష్టంగా మాటలు మాట్లాడడం, అన్నం తినడం వంటివి కొన్ని పనులు చేసుకున్నా మిగతా ఇద్దరు పిల్లలకు మాత్రం అన్ని పనులు అమ్మే చేయాల్సిరావడం చూసే వారి హృదయం ద్రవించుకుపోతుంది. యుక్తవయసొచ్చినా ఆ పిల్లలకు బుద్ధి వికసించకపోవడం, కాళ్లు, చేతులు సహకరించకపోవడంతో ఇప్పటికీ ఆ తల్లే అన్ని సేవలు చేయాల్సిన దుర్భరస్థితి. శుభకార్యాలకు, విందు, వినోదాలకు దూరమై ఆమె కూడా పిల్లలను విడిచి ఎక్కడికీ వెళ్లలేక ఇంటికే బందీ అయిపోయింది ఆ తల్లి.
ఆర్థిక నేపథ్యం..
శ్రీమతమ్మ, శంకర్‌ ‌రెడ్డి కుటుంబం ఆర్ధికంగా తమంతట తాము ఎవరికి చేయిచాపకుండా ఉండేవారు. పులిమీద పుట్రలా అటు పిల్లల అనారోగ్యం, భర్త అనారోగ్యంతో ఆర్థికంగా చితికిపోయి అప్పులతో, దారిద్య్రంతో సహవాసం చేయాల్సిన గడ్డుపరిస్థితి దాపురించింది. శ్రీమతమ్మ భర్త శంకర్‌ ‌రెడ్డి అప్పట్లో నాచారం ఐడీఏలోని ఓ ప్రైవేటు కంపెనీలో లేబర్‌ ‌కాంట్రాక్టర్‌గా కొనసాగాడు. అంతలోనే ఆ కంపెనీ మూతబడడంతో పశుపోషణతో కొంతకాలం నెట్టుకొచ్చారు. అటు తరువాత అతనికి వెన్ను నొప్పి ప్రారంభమై కాలు పనిచేయకుండా అయ్యింది. అతని ఆరోగ్యం కోసం కూడా అప్పులు చేసి వైద్యం చేయించుకోవాల్సివచ్చింది. తరువాత కొంతకాలం వికలాంగుల సంక్షేమ సంఘం మండల, జిల్లా స్థాయి నాయకుడిగా పని చేశాడు. అయితే ఆయన చివరి రోజుల్లో మూత్రపిండాలు చెడిపోయి తీవ్రంగా భాధపడ్డాడని, ఆయన వైద్యానికి కూడా లక్షల రూపాయల అప్పులు తెచ్చి పెట్టినా బతకలేదని శ్రీమతమ్మ వాపోయింది. తన ముగ్గురు పిల్లలకు ప్రభుత్వం పించన్‌ అం‌దజేస్తోందని, అయితే కొన్ని అప్పులకు మిత్తీలు కట్టగా నెలకు కేవలం 12 వందల రూపాయలు మాత్రమే చేతిలో ఉంటాయని ఆమె పేర్కొంది. పిల్లలు, భర్త అనారోగ్యంతో వైద్య ఖర్చులతో ఆర్థికంగా చితికిపోయామని వాపోయింది  శ్రీమతమ్మ. పిల్లలను సాకుకుంటూ అప్పులు లేకుండా ఉండాలని ఆమె ఆరాటం. తమను దాతలు ఆదుకోవాలని కోరుతోంది ఆతల్లి. దయార్ధ్ర హృదయంతో  ముందుకు వచ్చి సహాయం చేసే దాతలు సెల్‌ ‌నంబర్‌ 9154371474‌లో సంప్రదించాలని ఆమె కోరుతోంది.
On strategies in the upcoming elections ..అందరిలాగే బిడ్డలను నవమాసాలు మోసి, పురిటి నొప్పులు భరించి కని లాలించి, పెంచింది ఆ తల్లి. ఐదు పదులు వయసు దాటిన ఆమె పిల్లలకు అలుపెరుగక సేవ చేస్తూ  పిల్లలు తమ వృద్ధాప్యంలో ఆలనా, పాలనా చూసుకొంటూ సాకుతారని తల్లిడండ్రులు ఆశించడం సహజం. కానీ ఇక్కడ మాత్రం చిన్నప్పుడు చలాకీగా ఉన్న పిల్లలు వయసు పెరుగుతున్న కొద్దీ మానసిక,  శారీరకంగా మాంద్యులయ్యారు. భర్త ఇటీవల మృతి చెందడంతో ఆ కుటుంబ పరిస్థితి  మరింత దిగజారింది. పుట్టిన మెదటి, రెండవ సంతానం తొలినాళ్లలో ఆరోగ్యంగానే ఉన్నా వయసు పెరుగుతున్న కొద్దీ ఆరోగ్య సమస్యలు చుట్టుముట్టాయి. ఇద్దరు స్థానికంగా ఉన్నత పాఠశాలలో 4, 3 తరగతులు వరకూ చదివారు. అటు నుంచి సమస్యలు అధికం కావడంతో దిక్కుతోచని స్థితిలో వారిప్సుడున్నారు. అమ్మచేతి గోరుముద్ద తినాలని ఎవరికి మాత్రం ఉండదు.. తల్లి ఒడిలో సేదదీరాలని, లాలనపొందాలని ఏ బిడ్డకు ఉండదు.. కానీ అది ఒక వయసువచ్చేంతవరకే.. కానీ వీరిదిమాత్రం..

Leave a Reply