Take a fresh look at your lifestyle.

విద్య- పరివర్తన ఉపాధ్యాయులతో ప్రారంభమవుతుంది..

గత కొద్ది సంవత్సరాలుగా పారిశుద్ధ్య సంక్షోభం, హింసాత్మక ఘర్షణలు, సామాజిక  అస మానతలు, జనాభాలో మార్పు, డిజిటల్‌ ‌మలుపు మరియు పర్యావరణ క్షీణతతో సహా ప్రపంచ పరివర్తనలు, అంతర్జాతీయ సమాజం విద్య భవిష్యత్తును, ఈ సామాజిక ఆందోళనలను పరిష్కరించడంలో అది పోషిస్తున్న పాత్రను ప్రతిబింబించేలా చేసింది. ఇంటర్నేషనల్‌ ‌కమిషన్‌ ఆన్‌ ‌ద ఫ్యూచర్స్ ఆఫ్‌  ఎడ్యుకేషన్‌ ‌నివేదిక మరియు  ట్రాన్స్ఫార్మింగ్‌ ఎడ్యుకేషన్‌ ‌సమ్మిట్‌ – 2022, ‌విద్యా వ్యవస్థ లోని ఆందోళనలను విశ్లేషించి వాటిని పరిష్కరిం చుకోవడానికి, వ్యవస్థాగత మార్పు కోసం పిలుపునిచ్చాయి. అందరికీ విద్యహక్కు సంరక్షించబడుతుంది నిర్ధారించింది.

కోవిడ్‌-19 ‌సంక్షోభం వెల్లడిం చినట్లుగా, ఉపాధ్యాయులే విద్యార్థులకు  గుండె లాంటివారు.  వారు లేకుండా అభ్యాసకులకు సమగ్రమైన, సమానమైన, నాణ్యమైన విద్యను అందించడం అసాధ్యం. కోవిడ్‌ ‌మహమ్మారి  విద్యారంగానికి మాత్రమే కాదు, ఇది మన దుర్బలత్వం మరియు పరస్పర అనుసంధానం గురించి మనకు తెలిసేలా చేసింది.  మనమంతా కలిసి పని చేస్తేనే పెరుగుతున్న అసమానతలు, వాతావరణంలో వస్తున్నమార్పులు మరియు వేగవంతమైన సాంకేతిక మార్పుల వంటి 21వ శతాబ్దపు సవాళ్లను ఎదుర్కోగలం.

సవాళ్లు అయితే మార్పు కోసం, మెరు గుదల కోసం మరియు మెరుగైన భవిష్యత్తును సృష్టించడానికి గొప్ప అవకాశాన్ని ఇస్తాయి.  విద్య భవిష్యత్తుపై ఇటీవల ప్రచురించబడిన ఒక నివేదిక ప్రకారం మానవ సమాజాల పరి వర్తనను ముందుకు తీసుకు వెళ్లడం లో విద్య ఎల్లప్పుడూ ప్రముఖ పాత్రను పోషిస్తుందని, అందువల్ల భవిష్యత్తును  రూపొందించడానికి విద్యనే కీలకమైనదని తెలిపింది. విద్య అనేది కేవలం విజ్ఞానానికి సంబంధించిందే కాకుండా, ప్రపంచ సహజీవనాన్ని రూపొందించే విలువలు,  నిబంధనలు,  కట్టుబాట్లు మరియు ప్రపంచ పౌరులను కలిసి పని చేసేలా అవగాహన కల్పించే సూత్రాల గురించి, స్థిరమైన,  శాంతియుత భవిష్యత్తు కోసం కలిసి పని చేయడానికి అవగాహన కల్పిస్తుంది. కోవిడ్‌-19 ‌మహమ్మారి  విజృంభిస్తున్న సమయంలో, భవిష్యత్తును రూపొందించడంలో మరియు విద్య పరివర్తనలో ఉపాధ్యాయులు, విద్యావేత్తలు ప్రధాన పాత్ర పోషించారు. సంక్షోభం, విద్య అంతరా యాలను ఎదుర్కోవడంలో ఉపాధ్యా యులు, సిబ్బంది కీలక పాత్రను పోషించారు. మారుతున్న, అభివృద్ధి చెందుతున్న డిమాండ్లను ఎదుర్కొనే ందుకు వారు తమ పాత్రను తిరిగి ఆవిష్క రించారు.

చాలా ఎక్కువ మంది ఉపాధ్యా యులకు బోధన-అభ్యసన ప్రక్రియలను పునర్వ్యవస్థీకరించ వలసి వచ్చింది.  ముఖ్యంగా ఆన్లైన్‌,  ‌మరియు రిమోట్‌ ఎడ్యుకేషన్‌ ‌విద్యార్థులు వారి కుటుంబాల భౌతిక భద్రతను కాపాడే కార్యకలాపాలలో పాల్గొనడం, అలాగే సామాజిక భావోద్వేగ మరియు మానసిక మద్దతును అందించడం జరిగింది. ఉపాధ్యాయులు విద్యలో పరివర్తనం తీసుకురావడానికి సిద్ధంగా ఉన్నారని కోవిడ్‌-19 ‌మహమ్మారి మనకు తెలిపింది. విద్యార్థులకు కనీస నైపుణ్యాలను బోధిస్తూ సన్నద్ధం చేయడం ద్వారా వారిలో మార్పు తీసుకు రావడం, ఆసక్తిని పెంపొందించడం, జీవితకాలం నేర్చు కోవడాన్ని కొనసాగించే  సామర్థ్యాన్ని ప్రేరేపిం చింది. ఒకరినొకరు భూ గ్రహం కోసం బాధ్యత భావాన్ని కలిగించడం. ఉపాధ్యాయులు తమ ప్రతిభను పూర్తిగా వెలికితీయడానికి, వారి జ్ఞానాన్ని ఉపయోగించుకోవడానికి మరియు విద్యకు మార్చడానికి వారి బోధనా పరమైన నిర్ణయాలను తీసుకోవడానికి అలాగే ఉపయోగించుకోవడానికి సిద్ధంగా ఉన్నప్పటికీ విద్యా వ్యవస్థలు వారికి మద్దతు ఇవ్వడానికి సిద్ధంగా ఉన్నట్లు కనిపించడం లేదు.

2022 లో జరిగే ప్రపంచ ఉపాధ్యాయ దినోత్సవం విద్యను మార్చడంలో, పరివర్తన తీసుకు రావడంలో ఉపాధ్యాయుల కీలక పాత్రను మరియు విధాన నిర్ణేతలు, ఉపాధ్యాయ, పౌర సమాజం ద్వారా సాహ సోపేతమైన, వ్యూహాత్మక చర్య కోసం సరైన నిర్ణ యాలు తీసుకోవడానికి ప్రయత్నిస్తారు. ట్రాన్స్ఫార్మింగ్‌ ఎడ్యుకేషన్‌ ‌సమ్మిట్‌ ‌ధ్రువీకరించినట్టుగా, ఉపాధ్యాయులు మరియు విద్యా సిబ్బందికి మద్దతు ఇవ్వాలి. వినూత్న బోధనా పద్ధతులు, విధానాలను ఆవిష్కరించడానికి, విద్యార్థులలో పరివర్తన తీసుకురావడానికి అధికారం ఇవ్వాలి. ప్రతి దేశం ఇప్పుడు వృత్తిపరమైన, శిక్షణ పొందిన, ప్రేరణ కలిగించే, మద్దతుతో కూడిన సాధికారత కలిగిన విద్యా శ్రామిక శక్తిని కలిగి ఉండడానికి కృషి చేయాలి. దీనికి ఉపాధ్యా యులు తగిన సంఖ్యలో అవసరం. నిరంతరం వృత్తిపరమైన అభివృద్ధి, మెరుగైన పరిస్థితులు, వారి స్వయం ప్రతిపత్తి, ఆవిష్కరణల సామర్థ్యం యొక్క గుర్తింపు నాయకత్వం వారిలో అవసరం.

బోధన అభ్యసన ప్రక్రియ సక్రమంగా నిర్వహించడానికి చాలినంత అర్హత కలిగిన ఉపాధ్యాయులు లేరు. 2017 లో యూనివర్సల్‌ ‌ప్రైమరీ అండ్‌ ‌సెకండరీ ఎన్రోల్మెంట్‌ అం‌డ్‌ ‌సస్టైనబుల్‌ ‌డెవలప్మెంట్‌ ‌గోల్స్, (‌ (UNESCO-UIS 2016  • 2016) సాధించడానికి దాదాపు 69 మిలియన్ల ప్రాథమిక మరియు మాధ్యమిక ఉపాధ్యాయులు అవసరం అని తెలిపింది. కొంత పురోగతి సాధించినప్పటికీ, లక్ష్యాన్ని మాత్రం చేరుకోలేకపోయింది. కొన్ని ప్రాంతాలలో లింగ అసమతుల్యత సవాల్‌ ‌గా ఉంది. కొన్ని ప్రాంతాల్లో మహిళలు వృత్తిలోకి ప్రవేశించడానికి తక్కువ అవకాశాలు ఉన్నాయి. మరోవైపు  కొన్ని ప్రాంతాలలో విద్యా వ్యవస్థలు పురుషులను ఆకర్షించడంలో విఫలమవుతున్నాయి. ఉపాధ్యాయుల కొరత పట్టణ ప్రాంతాల కంటే గ్రామీణ ప్రాంతాలలో ఎక్కువ. సరిపడా  ఉపాధ్యాయులు లేకపోవడం మూలంగా తరగతి గదులు విద్యార్థులతో క్రిక్కిరిసి పోతున్నాయి.

కొంత మంది ఉపాధ్యాయులకు బోధన అభ్య సనం కొరకు చాలినంత అర్హతలు లేకపోవడం వల్ల  విద్యార్థులలో అవసరమైన అభ్యసన ఫలితాలను సాధించలేక పోవడం జరుగుతుంది. కొంత మంది ఉపాధ్యాయులకు వృత్తిపర అభివృద్ధికి సంబంధించిన శిక్షణ పొందడానికి అవకాశాలు తక్కువ. ప్రపంచవ్యాప్తంగా ప్రాథమిక మాధ్యమిక ఉపాధ్యాయుల లో 83 శాతం మంది కనీస విద్యార్హత కలిగి ఉన్నారు.  ఇంకా తక్కువ ఆదాయం గల దేశాలలో 70 శాతం మరియు 64 శాతం మాత్రమే ఉన్నారు (UIS-Teachers  Task Force-)-2021). శిక్షణ పొందిన ఉపాధ్యాయుల కొరత కారణంగా తక్కువ ఆదాయం దేశాలలో ప్రపంచవ్యాప్తంగా 27:1 విద్యార్థి ఉపాధ్యాయ నిష్పత్తి ఉండాల్సింది 53:1 గా ఉంది. దీనివల్ల అభ్యసన ఫలితాలు విద్య బోధన అభ్యసన లో లోపం ఏర్పడుతుంది.

విద్యలో ఆశించిన మార్పులు తీసుకురావడానికి ఉపాధ్యాయులు తమ వంతు పాత్రను పోషిస్తు న్నారని గ్లోబల్‌ ‌మహమ్మారి తెలియజేసింది.  వారికి సరి అయిన  అధికారాలు కల్పించాలని తెలియజేసింది. కోవిడ్‌ 19 ‌మహమ్మారి సంక్షోభం, అభ్యసన ప్రక్రియలో ఉపాధ్యాయుల పాత్రను హైలైట్‌ ‌చేసింది.  అయినప్పటికీ చాలామంది ఉపాధ్యాయులకు బోధన అభ్యసన నిర్వహించడానికి సరైన పరిస్థితులు లేకపోవడం, తక్కువ వేతనాలవల్ల చాలా ఉపాధ్యాయ సంఘాలు ఆందోళనలను వ్యక్తం చేశాయి.

(Education International-2021). అందువల్ల విద్యా పరివర్తనలో ఉపాధ్యాయుల నాయకత్వం,  ఆవిష్కరణలను ప్రోత్సహించాలి. ప్రతి దేశం సరైన సంఖ్యలో, శిక్షణ పొందిన ఉపాధ్యా యులను కలిగివుండాలి.  ఉపాధ్యాయులందరూ వారి కెరీర్లో నిరంతర వృత్తిపరమైన అభివృద్ధికి ప్రాప్యతను కలిగి ఉండాలి.  ఉపాధ్యాయులకు పరిశోధన ఆవిష్కరణ చేయడానికి అవకాశాలు కల్పించాలి నేటి మరియు భవిష్యత్తు ప్రపంచానికి, అందరి అభ్యసన అవసరాలను తీర్చడానికి, సుస్థిరాభివృద్ధి గోల్స్ – 4 ‌ను సాధిం చడానికి,  ప్రపంచ ఉపాధ్యాయ దినోత్సవం 2022 అందరికీ సమానమైన, సమగ్రమైన, నాణ్యమైన విద్యను మరియు జీవితకాల అభ్యసన అవకాశాలను నిర్ధారించడానికి,  ఉపాధ్యాయులు ఎదుర్కొంటున్న సమస్యలను విశ్లేషించడం, విద్యాపరమైన మార్పులు తీసుకురావడం మొదలైన అంశాలపై దృష్టి సారిస్తుంది. సరైన చర్యలు తీసుకోవడానికి ప్రయత్నిస్తుందని ఆశిద్దాం.
   డా. చిందం రవీందర్‌, ,ఎం.ఎస్సి, ఎం.ఎడ్‌. ‌పిహెచ్‌ ‌డి. (పర్యావరణ శాస్త్రం)  

Leave a Reply