Take a fresh look at your lifestyle.

సరిలేరు.. నీకెవ్వరూ..!

ఖమ్మం సిటి, జూన్‌ 17, (‌ప్రజాతంత్ర విలేకరి) : భారత సరిహద్దుల్లో జరిగిన ఘర్షణల్లో సూర్యాపేటకు చెందిన కల్నల్‌ ‌బిక్కుమళ్ల సంతోష్‌ ‌బాబు మరణించడం పట్ల రవాణా శాఖా మంత్రి పువ్వాడ అజయ్‌కుమార్‌ ‌తీవ్ర దిగ్బ్రాంతి వ్యక్తం చేసారు. బుధవారం ఖమ్మంలోని జిల్లా పరిషత్‌ ‌సమావేశమందిరంలో జరిగిన సర్వసభ్య  సమావేశానికి హాజరైన మంత్రి పువ్వాడ అజయ్‌ ‌తొలుత హాల్‌ ఆవరణలో సంతోష్‌ ‌బాబు చిత్రపటానికి పూలమాలలు వేసి ఘనంగా నివాళులర్పించారు. దేశం కోసం ప్రాణత్యాగం చేసారని, ఆ త్యాగం వెలకట్టలేదనిదని అన్నారు. వారి కుటుంబసభ్యులకు తమ ప్రగాఢ సానుభూతిని తెలిపారు. దేశం కోసం సంతోష్‌ ‌చేసిన ప్రాణత్యాగానికి యావత్‌ ‌భారతావని సెల్యూట్‌ ‌చెబుతుందని అన్నారు. ఈ కార్యక్రమంలో జిల్లా పరిషత్‌ ‌చైర్మన్‌ ‌లింగాల కమల్‌రాజ్‌, ఎంఎల్‌సి బాలసాని లక్ష్మీనారాయణ, పాలేరు శాసనసబ్యులు కందాళ ఉపేందర్‌రెడ్డి, జిల్లా కలెక్టర్‌ ఆర్‌వి కర్ణన్‌, ‌జిల్లా పరిషత్‌ ‌సిఇఓ ప్రియాంక, డిసిసిబి చైర్మన్‌ ‌కూరాకుల నాగభూషణం, జిల్లా వ్యవసాయ శాఖ అధికారిణి ఝాన్సీలక్ష్మీ కుమారి, జిల్లా వైద్యఆర్యోగశాఖాధికారి డాక్టర్‌ ‌మాలతి తదితరులు పాల్గొన్నారు.
డిసిసి ఆద్వర్యంలో …
image.png

సూర్యాపేటకు చెందిన వీరజవాన్‌ ‌కల్పల్‌ ‌సంతోష్‌బాబుకు ఖమ్మం జిల్లా కాంగ్రెస్‌ ‌కమిటి బుదవారం ఘన నివాళులర్పించింది. జిల్లా కాంగ్రెస్‌ ‌కమిటి కార్యాలయం సంజీవరెడ్డిభవన్‌లో జరిగిన సమావేశంలో కల్నల్‌ ‌సంతోష్‌బాబు చిత్రపటానికి డిసిసి అద్యక్షుల పువ్వాళ్ల దుర్గాప్రసాద్‌, ‌నగర కమిటి అద్యక్షులు ఎండి జావీద్‌లు పూలమాలవేసి ఘనంగా నివాళులర్పించారు. ఈ సందర్బంగా పువ్వాళ్ల దుర్గాప్రసాద్‌ ‌మాట్లాడుతూ చైనా హద్దుమీరి భారత భూబాగంలోకి రావటం మన సైన్యంపై కవ్వింపు చర్యలకు పాల్పడుతుందన్నారు. అయినా ఎంతో ఓర్పుగా వ్యవహరిస్తున్న  మన సైన్యంపై రాళ్లు, కర్రలతో దాడులు చేయడం అందులో 20మంది భారత సైనికులు చనిపోవడం బాధాకరమన్నారు. ఈ చర్యను జిల్లా కాంగ్రెస్‌ ‌తరపున తీవ్రంగా ఖండిస్తుందన్నారు. దేశం కోసం వీరమరణం పొందిన జవాన్ల కుటుంబసభ్యులకు డిసిసి ప్రగాడ సానుభూతిని తెలియజేస్తుందన్నారు. వారి కుటుంబాలకు ఎల్లపుడూ అండగా ఉంటుందన్నారు. వీరమరణం పొందిన జవాన్ల ఆత్మలకు శాంతికలగాలని కోరుకుంటున్నట్లు చెప్పారు ఈ కార్యక్రమంలో కార్పోరేటర్లు యర్రం బాలగంగాధరతిలక్‌,‌వడ్డెబోయిన నరసింహారావు, నాయకులు మిక్కిలినేని నరేందర్‌, ఎం‌డి తాజుద్దీన్‌, ‌చోటా బాబా,యడ్లపల్లి సంతోష్‌ శ్రీ‌నివాస్‌,ఇసాక్‌ ‌తదితరులు పాల్గొన్నారు.

రామన్నపేటలో…
image.png

రామన్నపేట, జూన్‌17 (‌ప్రజాతంత్ర విలేకరి) దేశ రక్షణలో అమరులైన సైనికుల త్యాగాలు వృథా కావని, దేశం వాటిని తప్పక గుర్తు పెట్టుకుంటుందని వారి ఆశయ సాధనకు ప్రతి ఒక్క భారతీయుడు కంకనబద్దుడైతారని బిజేపి పార్టీ జిల్లా కార్యదర్శి సింగిల్‌ ‌విండో డైరెక్టర్‌ ‌కన్నెకంటి వెంకటేశ్వరచారి అన్నారు. కల్నల్‌ ‌ర్యాక్‌ అధికారి బిక్కుమల్ల సంతోష్‌ ‌బాబు లడాక్‌ ‌సరిహద్దుల్లో చైనా సైనికులు జరిపిన కాల్పుల్లో ప్రాణాలర్పించిన సూర్యాపేట జిల్లా కేంద్రానికి చెందిన భారతమాత ముద్దుబిడ్డ సంతోష్‌ ‌బాబు వీర జవాన్‌ ‌కు  రామన్నపేట సుభాష్‌ ‌సెంటర్లోలో పలువురు నాయకులు ఆయన చిత్రపటానికి పూలమాల వేసి ఘనంగా నివాళులర్పించారు. ఈ కార్యక్రమంలో బిజెపి దళిత మోర్చా రాష్ట్ర అధికార ప్రతినిధి కొమ్ము యాదయ్య, బిజెపి నాయకులు కట్కూరి భిక్షపతి, చిందం లింగయ్య, బేతు శ్రీనివాస్‌, ‌చిన్నపాక స్వామి, రాపోలు రాజశేఖర్‌, ఏలూరి రవి, బైరబోయిన రమేష్‌, ‌వూటుకూరి మల్లేశం, గుండాల అంజయ్య, కునూరు సుధాకర్‌, ‌జయారపు రామకృష్ణ, వివిధ పార్టీల నాయకులు సాల్వేరు అశోక్‌, ‌గంగాపురం యాదయ్య, గట్టు యాదయ్య, తదితరులు పాల్గొన్నారు.

Leave a Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy
error: Content is protected !!