Take a fresh look at your lifestyle.

ఎన్‌ఆర్‌ఐసీపై ఇంకా నిర్ణయం తీసుకోలేదు: రాజ్యసభలో కేంద్రమంత్రి నిత్యానంద ప్రకటన

No decision yet on NRIC Statement of Union Minister Nityananda

భారత పౌరుల జాతీయ రిజిస్టర్‌ (ఎన్‌ఆర్‌ఐసీ) తయారీపై ఇంకా నిర్ణయం తీసుకోలేదని ప్రభుత్వం పార్లమెంటులో స్పష్టం చేసింది. కేంద్ర హోంశాఖ సహాయ మంత్రి నిత్యానందరాయ్‌ ‌మంగళవారం రాజ్యసభలో ఈ విషయమై ఒక ప్రకటన చేశారు. జాతీయ పౌరసత్వ చట్ట సవరణతో పాటు ఎన్‌ఆర్‌ఐసీ ఏర్పాటును వ్యతిరేకిస్తూ గత కొంతకాలంగా దేశవ్యాప్తంగా పెద్దయెత్తున నిరసనలు కొనసాగుతున్న సంగతి తెలిసిందే. పార్లమెంటు బడ్జెట్‌ ‌సమావేశాల సందర్భంగా ప్రతిపక్షాలు ఈ విషయమై ఆందోళన చేశాయి.

ప్రతిపక్ష సభ్యుల నినాదాలతో ఉభయసభల్లో గందరగోళం చెలరేగింది. మంగళవారం సభలోనూ ఈ పరిస్థితి కొనసాగింది. దీంతో మంత్రి నిత్యానందరాయ్‌ ఈ ‌విషయమై లిఖితపూర్వక ప్రకటన చేస్తూ, ఎన్‌ఆర్‌ఐసీ రూపకల్పనపై కేంద్రం ఇంకా ఎటువంటి నిర్ణయానికి రాలేదని వివరించారు.

Get real time updates directly on you device, subscribe now.

Leave a Reply