Take a fresh look at your lifestyle.

మారిన కాలానికి అనుగుణంగా.. పాఠ్య ప్రణాళిక రూపకల్పన జరగాలి

“ఏది ఏమైనా 21వ శతాబ్దపు అవసరాల కనుగుణంగా పాఠ్య ప్రణాళిక, బోధనా విధానాలు, తదితర అంశాలపై ప్రత్యేక దృష్టి కేంద్రీకరించాల్సిన అవసరం ఎంతైనా ఉంది. అయితే ఒక విషయం మనం ఇక్కడ గుర్తు పెట్టుకోవాల్సిన అవసరం ఉంది. మారిన కాలానికి అనుగుణంగా పాఠ్య ప్రణాళిక రూపకల్పన జరగాలి. తక్కువ పాఠ్యప్రణాళిక ఎక్కువ విషయసూచిక విధానం ఎంతైనా అవసరం. ముఖ్యంగా గ్రామీణ అవసరాలను తీర్చే విధంగా, గ్రామీణ అభివృద్ధికి తోడ్పడే విధంగా నిజమైన విద్య కావాలి. మనది వ్యవసాయ ఆధారిత దేశం కాబట్టి అందుకు తగినట్టుగా పాఠ్య ప్రణాళిక రూపకల్పన ఉండాల్సిన అవసరం ఉంది.”

ఇస్రో మాజీ చైర్మన్‌ ‌డాక్టర్‌ ‌కస్తూరి రంగన్‌ ‌కమిటీ రూపొందించిన జాతీయ నూతన విద్యా విధానానికి కేంద్ర మంత్రివర్గం ఆమోద ముద్ర వేసింది. నరేంద్ర మోడీ అధ్యక్షతన జరిగిన సమావేశంలో తీసుకున్న నిర్ణయం ప్రకారం ప్రాథమిక ఉన్నత విద్య పరంగా మొత్తం 27 అంశాలలో మార్పులు చేయనున్నారు. ఇందులో విద్యార్థులు తమకిష్టమైన కోర్సులను చదువుకునే వెసులుబాటు కల్పించారు. ప్రస్తుతం భారంగా మారిన పాఠ్యాంశాలను తగ్గించి విద్యార్థులు తమలో అంతర్గతంగా దాగి ఉన్న నైపుణ్యాలను మెరుగుపరుచుకునేందుకు అవసరమైన సమయాన్ని కేటాయించుకునే అవకాశం నూతన విద్యా విధానంలో అమలు కానుంది. పాఠశాల విద్య పూర్తి చేసుకొని బయటికెళ్ళే నాటికి కనీసం ఒక వృత్తి విద్య నైపుణ్యం అయినా విద్యార్థి సాధించేలా మార్పులు చేయనున్నారు. భారతదేశంలో నూతన జాతీయ విద్యా విధానాన్ని ప్రవేశపెడుతూ 29.7.2020 రోజున కేంద్ర క్యాబినెట్‌ ‌నిర్ణయం తీసుకుంది. ఈ నూతన విద్యా విధానంలో దేశవ్యాప్తంగా ఓకే విద్యా వ్యవస్థ ఉండేవిధంగా రూపకల్పన చేయనున్నట్లు కేంద్ర ప్రభుత్వం ప్రకటించింది. జాతీయ విద్యా విధానం పేరుతో 21వ శతాబ్దానికి అనుకూలంగా కేజీ టు పీజీ వరకు ఆధునిక విద్యా విధానాన్ని అమలు చేసే విధంగా, ముఖ్యంగా ప్రపంచ దేశాలకు ధీటుగా విద్యావిధానం రూపకల్పన జరగనున్నట్లు చెప్పవచ్చు.

dr rakki reddy aadhi reddy

గడిచిన 34 ఏళ్లలో విద్యా వ్యవస్థలో మార్పులు రాలేదని 2035 నాటికి ఒక ప్రణాళికాబద్ధంగా విద్యా వ్యవస్థ అమలు కానున్నట్టు చెప్పవచ్చు. 5+3+3+3 విద్యావ్యవస్థలో సంస్కరణలకు అవకాశం ఏర్పడింది. భారతదేశంలో 34 ఏళ్ల తర్వాత విద్యారంగంలో కీలక మార్పులు అమలులోనికి రాబోతున్నాయి. ఇస్రో మాజీ చైర్మన్‌ ‌డాక్టర్‌ ‌కస్తూరి రంగన్‌ ‌కమిటీ రూపొందించిన జాతీయ నూతన విద్యా విధానానికి కేంద్ర మంత్రివర్గం ఆమోద ముద్ర వేసింది. నరేంద్ర మోడీ అధ్యక్షతన జరిగిన సమావేశంలో తీసుకున్న నిర్ణయం ప్రకారం ప్రాథమిక ఉన్నత విద్య పరంగా మొత్తం 27 అంశాలలో మార్పులు చేయనున్నారు. ఇందులో విద్యార్థులు తమకిష్టమైన కోర్సులను చదువుకునే వెసులుబాటు కల్పించారు. ప్రస్తుతం భారంగా మారిన పాఠ్యాంశాలను తగ్గించి విద్యార్థులు తమలో అంతర్గతంగా దాగి ఉన్న నైపుణ్యాలను మెరుగుపరుచుకునేందుకు అవసరమైన సమయాన్ని కేటాయించుకునే అవకాశం నూతన విద్యా విధానంలో అమలు కానుంది. పాఠశాల విద్య పూర్తి చేసుకొని బయటికెళ్ళే నాటికి కనీసం ఒక వృత్తి విద్య నైపుణ్యం అయినా విద్యార్థి సాధించేలా మార్పులు చేయనున్నారు. ఐదో తరగతి వరకు ప్రాథమిక విద్యను మాతృభాషలో కొనసాగించాలనే నిబంధన విధించారు. వీలైతే ఎనిమిదో తరగతి వరకు కానీ, అంతకు మించి తరగతుల వరకు కాని మాతృభాషలో విద్యాబోధన చేయడం ఉత్తమమని ఈ కొత్త విధానంలో రాష్ట్రాలకు నిర్దేశించారు. ఈ విధానం 2030 సుస్థిర అభివృద్ధి లక్ష్యాలను కనుగుణంగా ఉందని చెప్పవచ్చు. 21వ శతాబ్దపు అవసరాలకు అనుగుణంగా నూతన విద్యా విధానాన్ని రూపొందించామని కేంద్ర ప్రభుత్వం భావిస్తుంది. విద్యార్థులలో ప్రత్యేక సామర్థ్యాలను వెలికి తీయడం ద్వారా ఇండియాను ఒక శక్తివంతమైన జ్ఞాన సమాజంగా, ప్రపంచ విజ్ఞాన మహాశక్తిగా మార్చాలని విద్యా విధానం భావన.! పూర్వ ప్రాథమిక విద్య 10ం2 స్థానంలో5+3+3+4 సంవత్సరాల విద్యను అమలు చేయనున్నారు. 3-8, 8-11,  11-14,  14-18 సంవత్సరాల విద్యార్థులు దీని పరిధిలోనికి వస్తారని ప్రణాళికలు సూచిస్తున్నాయి. ఇకముందు 3-6 సంవత్సరాల వయసు గలవారు దీని పరిధిలోకి వస్తారని అంతర్జాతీయంగా ఇది ఎంతో కీలకమని పిల్లల మానసిక వికాసానికి అనువైన దశ అని చెప్పవచ్చు! ఈ విధానం ద్వారా దేశంలోనికి కాశ్మీర్‌ ‌టు కన్యాకుమారి వరకు ప్రతి విద్యార్థి ఐదో తరగతి వరకు మాతృభాష, స్థానిక భాష లేదా ప్రాంతీయ భాషలను బోధనా మాధ్యమంగా అభివృద్ధి చేస్తారని చెప్పవచ్చు.

సంస్కృతాన్ని పాఠశాలలోని అన్ని స్థాయిలలో విద్యార్థులు ఐచ్చికంగా మూడు భాషలు విధానంలో భాగంగా ఎంచుకుంటారు. భారతదేశంలోని ఇతర ప్రాచీన భాషలు సాహిత్యం కూడా విద్యార్థులు ఎంపిక చేసుకోవడానికి వీలుండే విధంగా అవకాశం కల్పించారు. విద్యా విధానాన్ని మొదట 1968లో, తర్వాత 1986లో రూపొందించారు. దీనికి 1992లో పరిమితంగా సవరణలు చేశారు. ఒక రకంగా చెప్పాలంటే 1986 విధానమే 34 ఏళ్లుగా కొనసాగుతూ వచ్చింది. దీని తర్వాత యూపీఏ-1 ప్రభుత్వం 2016 మే 27న టిఎస్‌ఆర్‌ ‌సుబ్రహ్మణ్యం కమిటీ, 2019 మే 31న కే కస్తూరి రంగన్‌ ‌కమిటీ ఏర్పాటు చేసింది. ప్రస్తుతం నూతన జాతీయ విద్యా విధానం 2020 పేరుతో ఆమోదించబడింది. డిగ్రీ కోర్సులలో ప్రవేశాలు, నిష్క్రమణలకు మల్టిపుల్‌ ఎం‌ట్రీ ఎగ్జిట్‌ ‌విధానాన్ని ప్రవేశపెట్టనున్నారు. ఇప్పుడున్న విధానంలో నాలుగేళ్ల డిగ్రీ విద్యార్థి 6 సెమిస్టర్‌ల తర్వాత చదువుకోలేని పరిస్థితి వస్తే పూర్తిగా మానేయాలి ఉంటుంది. కొత్త విధానంలో ఒక ఏడాది తర్వాత విద్యార్థి మానేస్తే సర్టిఫికెట్‌ ఇస్తారు. రెండేళ్ల తర్వాత మానేస్తే డిప్లమా ఇస్తారు. 34 ఏళ్ల తర్వాత డిగ్రీ అందిస్తారు. ఉద్యోగాలకు వెళ్లాలనుకునే వారికి మూడేళ్ల డిగ్రీని పరిశోధనా రంగం వైపు నాలుగేళ్ల డిగ్రీ పోగ్రామ్‌లుగా చేయనున్నారు. నాలుగేళ్ల డిగ్రీ చేసిన వారికి ఒక ఏడాది పీజీ కోర్సు ఉంటుంది. దాని తర్వాత ఎంఫిల్‌ ‌చేసే అవసరం లేకుండానే పీహెచ్‌డికి పిలవచ్చు. మాస్టర్‌తో కలిపి ఐదేళ్ల ఇంటిగ్రేటెడ్‌ ‌బ్యాచిలర్‌ ‌డిగ్రీ అమలు చేస్తారు. నూతన జాతీయ విద్యా విధానంలో అకడమిక్‌ ‌సంబంధిత నిర్వహణ, నియంత్రణపరమైన విధాన నిర్ణయాలకు సంబంధించి స్పష్టమైన ప్రత్యేక వ్యవస్థ ఉండాలని కేంద్ర ప్రభుత్వం భావిస్తున్నట్లు తెలుస్తుంది. 2035 నాటికి 50 శాతానికి జిఈఆర్‌ ఉన్నత విద్యలో దేశంలో స్థూల ఎన్రోల్మెంట్‌ ‌నిష్పత్తి 26.3  శాతం. 2018 నుంచి 2035 నాటికి 50 శాతానికి చేర్చాలని జాతీయ విద్యా విధానం 2020 లక్ష్యంగా నిర్దేశిస్తుంది.

ప్రస్తుత విద్యా సంస్థలకు 3.5 కోట్ల సీట్లు జత చేయనున్నారు. దీంతోపాటు కళాశాలల అనుబంధాన్ని పదిహేను సంవత్సరాలలో దశలవారీగా తొలగించాలని ప్రభుత్వం నిర్ణయం తీసుకుంది. జాతీయ నూతన విద్యా విధానం అమల్లోకి వస్తే తెలుగు రాష్ట్రాలపై అధిక ప్రభావం ఉండనుందని నిపుణులు చెబుతున్నారు. 12వ తరగతి వరకు పాఠశాల విద్యలోకి తీసుకురావాలని కేంద్ర ప్రభుత్వం నిర్ణయించింది. దీంతో ఇప్పటి వరకు తెలుగు రాష్ట్రంలో ఉన్నత విద్య పరిధిలో ఉన్న ఇంటర్మీడియట్‌ ‌బోర్డులు పాఠశాల విద్య కిందకు రానున్నాయి. ఫలితంగా జూనియర్‌ ‌కళాశాలలు ఇకనుంచి అదే పేరుతో పని చేస్తాయా లేదా అన్న అనుమానం కలగకమానదు. విద్యా హక్కు చట్టం కింద 3-18 సంవత్సరాల వయసు వారిని తీసుకురావడంతో ఇది ప్రభుత్వ బడులకు ఊతంగా మారనుంది. శిశు తరగతులకు మూడేళ్లు కేటాయించడంతో ప్రభుత్వ ప్రాథమిక బడిలో వాటిని ఏర్పాటు చేయనున్నారు. ఒకవేళ అంగన్వాడి కేంద్రాలుంటే వాటిని పాఠశాలల ప్రాంగణంలోకి మార్చాల్సి ఉంటుంది. అంతేకాకుండా ఇప్పటివరకు ఒక సిలబస్‌ ‌లేకుండా నడుస్తున్న శిక్షణ తరగతులు ఒక ప్రణాళికా బద్ధంగా ముందుకు సాగునున్నాయి. సర్కారు బడుల్లో విద్యార్థుల సంఖ్య పెరుగుతుంది. ఉన్నత విద్య కోసం పాలన అవసరాల కోసం హయ్యర్‌ ఎడ్యుకేషన్‌ ‌కమిషన్‌ ఆఫ్‌ ఇం‌డియా ఏర్పాటు చేయనున్నారు. వైద్య విద్య, న్యాయ విద్యకు మాత్రం దీని నుంచి మినహాయింపు ఉంటుంది అన్న సమాచారం తెలుస్తుంది.

ఏది ఏమైనా 21వ శతాబ్దపు అవసరాల కనుగుణంగా పాఠ్య ప్రణాళిక, బోధనా విధానాలు, తదితర అంశాలపై ప్రత్యేక దృష్టి కేంద్రీకరించాల్సిన అవసరం ఎంతైనా ఉంది. అయితే ఒక విషయం మనం ఇక్కడ గుర్తు పెట్టుకోవాల్సిన అవసరం ఉంది. మారిన కాలానికి అనుగుణంగా పాఠ్య ప్రణాళిక రూపకల్పన జరగాలి. తక్కువ పాఠ్యప్రణాళిక ఎక్కువ విషయసూచిక విధానం ఎంతైనా అవసరం. ముఖ్యంగా గ్రామీణ అవసరాలను తీర్చే విధంగా, గ్రామీణ అభివృద్ధికి తోడ్పడే విధంగా నిజమైన విద్య కావాలి. మనది వ్యవసాయ ఆధారిత దేశం కాబట్టి అందుకు తగినట్టుగా పాఠ్య ప్రణాళిక రూపకల్పన ఉండాల్సిన అవసరం ఉంది. ముఖ్యంగా సమాజంలో నెలకొన్న అసమానతలు వాటి నివారణ చర్యలు ఇందుకు కావాల్సిన ప్రణాళికలు పాఠశాల విద్య నుండి మొదలు కావాల్సిన అవసరం ఉంది. ముఖ్యంగా మానవీయ సంబంధాలు పెంపొందించే విధంగా విద్యను అందించాల్సిన అవసరం ఉంది. పెరిగిన సాంకేతికతతో యువతలో మానవ విలువలు, మానవ సంబంధాలు పూర్తిగా అడుగంటి పోతున్నాయి. పూర్వకాలంలో ప్రతి ఇంట్లో మానవ విలువలు బోధించేటటువంటి ఆచారం ఉండేది. ఉమ్మడి కుటుంబ వ్యవస్థ నుండి ఆర్థిక కుటుంబ వ్యవస్థగా మారిన తరుణంలో విలువలు అంతరించిపోతున్నాయి. అందుకే సైన్స్ అం‌డ్‌ ‌టెక్నాలజీ, మానవ సంబంధాలతో కూడుకున్న బోధన వ్యవస్థను తప్పనిసరిగా పాఠ్యప్రణాళికలో రూపొందించాల్సిన అవసరం ప్రస్తుత తరుణంలో ఉంది. ఆధునిక విద్య, నూతన విద్య, సాంకేతిక విద్య అని పేరు ఏది పెట్టుకున్నా ఉపాధి కల్పన కోసం ఉపయోగపడే విద్య అందించాల్సిన అవసరం ఎంతైనా ఉంది. అయితే ప్రస్తుతం కేంద్ర ప్రభుత్వం రూపొందించిన నూతన విద్యా విధానంపై మేధావులతో చర్చించిన తర్వాత ఇందుకు కావాల్సిన, దేశవ్యాప్తంగా ఒకే పాఠ్య ప్రణాళిక అమలు చేసే విధంగా క్యాలెండర్‌ను రూపొందించాల్సిన అవసరం ఉంది. భారతదేశంలోని 29 రాష్ట్రాలలో ఒకే దేశం-ఒకే విద్య అనే విధంగా విధనాన్ని అనుసరించాల్సిన అవసరం ఉంది.

dr rakki reddy aadhi reddy
డా।। రక్కిరెడ్డి ఆదిరెడ్డి, జర్నలిస్టు, ప్రజాతంత్ర 9849577610

Leave a Reply

error: Content is protected !!