Take a fresh look at your lifestyle.

భూ సంబంధిత పెండింగ్ దరఖాస్తులను వేగవంతంగా పరిష్కరించాలి

రాష్ట్ర  ప్రభుత్వ ప్రధాన కార్యదర్శి సోమేష్ కుమార్

హైదరాబాద్,జూన్ 5: ప్రభుత్వ ప్రధాన కార్యదర్శి  12 జిల్లాలో కలెక్టరేట్ కాంప్లేక్స్ ల ను వారంలో గా పూర్తి చేసి ప్రారంభించడానికి సిద్ధంగా ఉంచాలని జిల్లా కలెక్టర్లను ఆదేశించారు. మిగతా జిల్లాల్లో కలెక్టరేట్ల నిర్మాణాన్ని వేగవంతం చేయాలన్నారు. రాష్ట్ర ముఖ్యమంత్రి  కె.చంద్రశేఖర్ రావు  ఆదేశాల మేరకు ప్రభుత్వ ప్రధాన కార్యదర్శి  సోమేశ్ కుమార్   జిల్లా కలెక్టర్లు, సీనియర్ అధికారులతో కలెక్టరేట్ కాంప్లెక్సెస్ నిర్మాణాల పూర్తి,  స్పెషల్ ఫుడ్ ప్రాసెసింగ్ జోన్స్, నూతన మెడికల్ కాలేజీలు, నర్సింగ్ కాలేజీలకు భూముల బదలాయింపు, ధరణికి సంబంధించిన విషయాలపై బిఆర్ కెఆర్ భవన్ నుండి వీడియోకాన్ఫరెన్స్ నిర్వహించారని  సమాచార పౌరసంబంధాల శాఖ శనివారం విడుదల చేసిన ప్రకటనలో పేర్కొంది. స్పెషల్ ఫుడ్ ప్రాసెసింగ్ జోన్ల  నిర్మాణంకోసం TSIIC కి భూములు హ్యాండ్ ఓవర్ చేసేలా  చర్యలు ప్రారంభించాలన్నారు. ప్రభుత్వం ఇటీవల 7 జిల్లాలలో మంజూరు చేసిన నూతన మెడికల్ కాలేజీల నిర్మాణం  కోసం గుర్తించిన భూమి కేటాయింపు ప్రక్రియను ప్రారంభించాలని కలెక్టర్లను సి.యస్ ఆదేశించారు.

 

ధరణిలో పెండింగ్ మ్యుటేషన్లు,  భూవిషయాలకు సంబంధించిన గ్రీవియన్స్ మాడ్యూల్, ప్రొహిబిటరీ ప్రాపర్టీలలో సమర్పించిన దరఖాస్తుల  పరిష్కార పురోగతిని సమీక్షించి,   జూన్ 9 లోగా పరిష్కరించి తద్వారా  ఆ రైతులు రైతుబంధు సహాయం పొందేలా చూడాలని ఆదేశించారు. స్పెషల్ ట్రిబ్యునల్ లో  పెండింగ్ కేసులకు సంబంధించి హియరింగ్ లను నిర్వహించాలన్నారు.   ఈ వీడియోకాన్ఫరెన్స్ లో  రోడ్లు, భవనాల శాఖ ప్రత్యేక ప్రధాన కార్యదర్శి సునీల్ శర్మ, ఐటి శాఖ ముఖ్యకార్యదర్శి  జయేష్ రంజన్, స్టాంప్స్ అండ్ రిజిస్ట్రేషన్ సి.ఐ.జి  వి. శేషాద్రి, ఆరోగ్య, కుటుంబ సంక్షేమ శాఖ కార్యదర్శి  రిజ్వీ, ఎస్ సి డీ డీ  సెక్రటరీ  రాహుల్ బొజ్జా,  ఆర్థిక శాఖ ప్రత్యేక కార్యదర్శి రోనాల్డ్ రోస్, ప్రొహిబిషన్ అండ్ ఆబ్కారీ ,  సర్ఫరాజ్ అహ్మద్, టీ  ఎస్ టీ  ఎస్ ఎం డీ  శ్రీ వెంకటేశ్వర్ రావు, భూసేకరణ ప్రత్యేక అధికారి  శ్రీమతి సత్యశారద, ఈ ఎన్  సి   గణపతి రెడ్డి తదితరులు పాల్గొన్నారు.

Leave a Reply