Take a fresh look at your lifestyle.

కేంద్ర సాహిత్య అకాడెమీ పురస్కారాన్నిఅందుకున్న కె.సజయ   

 

కేరళలోని త్రిసూర్ లో శుక్రవారం ,సెప్టెంబర్ 30, సాయంత్రం కేంద్ర సాహిత్య అకాడమీ వారి “2021వ సంవత్సరపు అనువాద పురస్కారాల”ను ప్రదానం చేశారు. కేరళ సంగీత, నాటక అకాడమీలోని ఎం.టి.మహ్మద్ స్మారక ధియేటర్ లో ఈ ప్రతిష్టాత్మక కార్యక్రమాన్ని ఏర్పాటు చేశారు. సామాజిక విశ్లేషకులు,స్వతంత్ర జర్నలిస్ట్ కె. సజయ అనువాదం చేసిన ‘అశుధ్ద భారత్’ పుస్తకానికి ఈ సంవత్సరం జూన్ నెలలో కేంద్ర సాహిత్య అకాడమీ పురస్కారాన్ని ప్రకటించింది.  ప్రసిద్ధ కవులు, రచయితలు, సాహిత్యాభిమానులు పెద్ద సంఖ్యలో పాల్గొన్న ఈ వేడుకలో వివిధ భారతీయ భాషల్లో అనువాద పురస్కారాలను అందుకున్న ప్రముఖులతోపాటు సజయ కూడా ట్రాన్స్ లేషన్ ప్రైజ్ అందుకున్నారు.. ఈ సందర్భంగా సజయ గురించి, తను అనువాదం చేసిన “అశుద్ధ భారత్” గ్రంథ విశేషాల గురించి ప్రముఖంగా ప్రస్తావించారు. సాహిత్య అకాడమీ అధ్యక్షులు చంద్రశేఖర కంబార్ చేతుల మీదుగా సజయ ఈ పురస్కారాన్ని స్వీకరించారు.. సభాస్థలి వద్ద పురస్కార గ్రహీతల చిత్రాలతో కూడిన భారీ కటౌట్ నెలకొల్పారు.

Leave a Reply