Take a fresh look at your lifestyle.

‌డిసెంబర్‌ 31 ‌వరకు అంతర్జాతీయ విమానాలు రద్దు!

కొరోనా మహమ్మారి  మళ్లీ ఉధృతమయ్యే అవకాశాలు ఉన్నాయని సమాచారం వస్తుండడంతో కేంద్రం అప్రమత్తమైంది. వైరస్‌ ‌వ్యాప్తిని దృష్టిలో ఉంచుకుని షెడ్యూల్‌ ‌చేసిన అంతర్జాతీయ వాణిజ్య ప్రయాణీకుల సేవలను నిలిపివేయడాన్ని భారత ప్రభుత్వం గురువారం డిసెంబర్‌ 31 ‌వరకు పొడిగించింది. డైరెక్టరేట్‌ ‌జనరల్‌ ఆఫ్‌ ‌సివిల్‌ ఏవియేషన్‌ (‌డిజిసిఎ), ‘కోవిడ్‌ -19 ‌కి సంబంధించిన ప్రయాణ, వీసా పరిమితులు’ తాజా నోటిఫికేషన్‌లో జారీ చేసింది.‘‘ఈ పరిమితి అంతర్జాతీయ ఆల్‌-‌కార్గో ఆపరేషన్లు మరియు డిజిసిఎచే ప్రత్యేకంగా ఆమోదించబడిన విమానాలకు వర్తించదు’’ అని ఆర్డర్‌ ‌పేర్కొంది.

ఏవియేషన్‌ ‌రెగ్యులేటర్‌ అం‌తర్జాతీయ షెడ్యూల్‌ ‌చేసిన విమానాలను కేస్‌ ‌టు కేస్‌ ‌ప్రాతిపదికన ఎంచుకున్న మార్గాల్లో అనుమతించవచ్చని స్పష్టం చేసింది.కొరోనా వైరస్‌ ‌వ్యాప్తి కారణంగా మార్చి 23 నుండి భారతదేశంలో షెడ్యూల్డ్ అం‌తర్జాతీయ విమానాలు నిలిపివేయబడ్డాయి. అయితే, ప్రత్యేక అంతర్జాతీయ ప్రయాణీకుల విమానాలను ఆపరేటింగ్‌ ‌చేశారు. అన్ని అంతర్జాతీయ వాణిజ్య ప్రయాణికుల విమానాలను డిసెంబర్‌ 31 ‌వరకు రద్దు చేస్తున్నట్లు పేర్కొంది. డీజీసీఏ ప్రత్యేకంగా అనుమతించిన విమానాలు, కార్గో సర్వీసులకు ఈ నిబంధనలు వర్తించవని సంస్థ తెలిపింది.

Leave a Reply