Take a fresh look at your lifestyle.

‘‌డ్రాప్‌ ఔట్స్’ ‌కోరల్లో విద్యార్థులు ..!

  • విద్యకు ఆరు శాతం బడ్జెట్‌ ‌సరిపోతుందా ..?
  • దేశంలో లక్షా 5 వేలు ఏకోపాధ్యాయ పాఠశాలలు..మధ్య ప్రదేశ్‌ ‌ప్రథమ స్థానం
  • బోధన అవగాహన లేని 70 శాతం ఉపాధ్యాయులు

ప్రపంచంలోనే అత్యధిక బాల్య వ్యవస్థ కలిగిన మన దేశంలో 50 కోట్ల మంది పిల్లలు మన  సొంతం. 5 నుంచి 24 సంవత్సరాల మధ్య వయసు వున్నవారు ఈ పిల్లలంతా. వీరికి మన రాజ్యాంగం ప్రకారం విద్య హక్కు వుంది. 1968లో మన విద్యా విధానం రూపు దిద్దుకొంది.1986 మన విద్యా విధానంపై పునఃసమీక్ష జరిగింది. 1992లో మన విద్యా విధానంలో కొన్ని మార్పులు చేస్తూ కొత్త విద్యా విధానం అమలులోకి వచ్చింది. ఇప్పుడు మళ్లీ అంటే 34 సంవత్సరాల తర్వాత కొత్త విద్యావిధానాన్ని మోడీ ప్రభుత్వం ప్రవేశ పెట్టింది. స్వతంత్రం వచ్చిన తర్వాత మన విద్యా విధానం రాష్ట్రాల పరిధిలో కొనసాగింది. అటుపైన విద్య విధానం కేంద్ర రాష్ట్రల పరిధిలోకి వచ్చింది. ప్రస్తుత విద్యా విధానం అమలులోకి వస్తే మొత్తం దేశ విద్యా విధానం కేంద్రం పరిధిలోకి పోయే విధంగా రూపొందించడం జరిగింది. ప్రస్తుతం అమలులో వున్నా ఎడ్యుకేషనల్‌ ఇన్స్టిట్యూషన్స్‌ని రద్దు చేసి, హయ్యర్‌ ఎడ్యుకేషన్‌ ‌బాడీ ఒకటి తయారు చేయడానికి కేంద్రం రంగం సిద్ధం చేసింది. అయితే గమనించాల్సింది ఏమంటే కెనడా వంటి దేశాలలో కేంద్రీయ విద్యా శాఖ మంత్రాలయమే లేదు. కెనడాలో రాష్ట్రాలు విద్యను తమ బాధ్యతగా పరిగణించి పౌరులకు విద్య అందిస్తాయి. మనకన్నా మెరుగైన విద్య కెనడా పౌరులకు అందుతున్నది.

కొత్త విద్య విధానం ప్రకారం దేశంలో ఇకపై పాఠశాలలు ఉండవు. అంతకన్నా పెద్ద స్థాయిలో స్కూల్‌ ‌డిస్ట్రిక్టస్ ఉం‌టాయి. కొత్త విద్యా విధానంలో రెండు కోట్ల మంది పిల్లలు బడులకు  రావడంలేదని వారిని స్కూల్కు రప్పిస్తామని కొత్త విద్య విధానంలో ఉంది. హయ్యర్‌ ఎడ్యుకేషన్‌ ఎన్‌రోల్‌మెంట్‌ ‌ప్రస్తుతం 26 శాతం వుంది. దీన్ని 50 శాతం అంటే మూడున్నర కోట్ల పిల్లలను హయ్యర్‌ ఎడ్యుకేషన్‌ ‌బ్రాకెట్‌లోకి 2035 లోపు తీసుకు వస్తామని మోడీ ప్రభుత్వం చెబుతున్నది. భారతదేశంలో ఒకే ఒక టీచర్‌ ‌కలిగిన పాఠశాలలు ఒక లక్ష ఐదు వేల స్కూల్స్ ‌నడుస్తున్నాయని ..70శాతంఉపాధ్యాయులకు బోధన విషయంలో సరయిన అవగాహన లేదని సర్వేలు చెబుతున్నాయి. ఐదవ తరగతి చదువుతున్న విద్యార్థులలో 50% విద్యార్థులు రెండవ తరగతి లెక్కలు పరిష్కరించగలరు. ఎనిమిదవ తరగతి చదివే విద్యార్థులు మూడు లేదా నాలుగవ తరగతి విద్యార్థి మాట్లాడే ఇంగ్లీషు మాట్లాడగలరు. ఇక రాష్ట్రాల పరంగా చుస్తే..ముప్పై ఏళ్ళు బీజేపీ పాలనలో ఉన్న మధ్యప్రదేశ్‌లో ఒకే ఒక టీచర్‌ ‌కలిగిన బడులు  అక్షరాలా 17874 మొదటి స్థానంలో ఉన్న రాష్ట్రం ఇది. దేశానికి అత్యధిక ఎంపీలను అందించే ఉత్తరప్రదేశ్‌లో ఒకే ఒక టీచర్‌ ‌కలిగిన బడులు 17602  రెండవ స్థానంలో, రాజస్థాన్‌ 13575 ‌బడులతో మూడవ స్థానం ఉంది. ఈ విషయంలో ఆంధప్రదేశ్‌ది నాలుగవ స్థానం.

భారత దేశంలో 1960 నుండి 1961 సంవత్సరం తీసుకుంటే జనసంఖ్య 45 కోట్లు ఉంటే..ఆనాడు ఒకటవ తరగతిలో ఎన్‌రోల్‌ అయిన విద్యార్థులు మూడు కోట్ల 50 లక్షల మంది. ఐదవ తరగతి చేరే సరికి 2 కోట్ల 90 లక్షల మంది విద్యార్థులు డ్రాప్‌ అవుట్‌ అయిపోతే 67 వేల మంది విద్యార్థులు 8వ తరగతి చదివారు. ఇది విద్యా పరంగా మన గతం. ఇక వర్తమానం చూద్దాం..అందుబాటులో ఉన్న లెక్కల ప్రకారం 2016 నుండి 2017 సంవత్సరం తీసుకుంటే.. ఒకటవ తరగతిలో ఎన్‌రోల్‌ అయిన విద్యార్థులు 13 కోట్ల ఒక లక్ష యాభై ఐదు వేల మంది. ఆరవ తరగతి చదువుతున్న విద్యార్థులు 7 కోట్ల 36 లక్షల పద్నాలుగు వేల విద్యార్థులు. తొమ్మిదవ, పదవ తరగతి చదువుతున్న విద్యార్థులు 4 కోట్ల 89 లక్షల 28 వేల విద్యార్థులు. ప్లస్‌ ‌వన్‌ ‌ప్లస్‌ ‌టు చదువుతున్న విద్యార్థులు సుమారు మూడు కోట్లు.  2019 చూసినట్లయితే పదవ తరగతి పరీక్షలు రాసిన విద్యార్థులు 18 లక్షలు. ప్లస్‌ ‌టు రాసిన విద్యార్థులు 12  లక్షల విద్యార్థులు. ఇక కాలేజీలలో గ్రాడ్యుయేషన్‌ ఇతర ప్రొఫెషనల్‌ ‌కోర్సలు చదువుతున్న విద్యార్థులు 3 కోట్ల 74 లక్షలు. యూనివర్సిటీలో పై చదువులు చదువుతున్నవారు కేవలం 90 లక్షలు మాత్రమే. అంటే మన విద్యార్థులు డ్రాప్‌ అవుట్‌ అనే కోరల్లో అనాదిగా చిక్కుకుని వున్నారు. డ్రాప్‌ అవుట్‌ ‌కోరల్లోంచి బయటకి రావటానికి 6 శాతం బడ్జెట్‌ ‌కేటాయింపు అని మోడీ అంటున్నారు.. అది సరిపోతుందా..?.

Leave a Reply