Take a fresh look at your lifestyle.

ఆకలి కసి

నిర్లక్ష్య వృక్షపు నీడన..
విజయ హరితం ఎదగదు
నిరాశ మబ్బులు కమ్మిన..
కనిపించవు ఆశల వెలుగులు !

కష్టాల చెమట చుక్కల్తో..
చిగురించు సుఖ మొలకలు
చదువు పట్టాల పంట చేనులో..
పండును జీవన సాఫల్య రాసులు !

పేదోడి ఆకలి కసి కృషి..
వర్షింపజేయు అన్నామతాన్ని
అక్షరాల్ని విశ్వసించే మనిషి..
విశ్వవిజేతై ధరించు కీర్తి కిరీటం !

ఓటమి పొందిన ప్రయత్నం
మంచు పొర కప్పిన పర్వతం
మసకబారిన మనో మందిరం
నేడోరేపో చిమ్మును వెలుగులు !

 –  డా: బుర్ర మధుసూదన్‌ ‌రెడ్డి
     కరీంనగరం – 9949700037

Leave a Reply