చదవండి..లేదా బాయికాడ పొలం పని చేయండి..!

 చిన్నకోడూర్ మండలం విఠలాపూర్ గ్రామ ఆనంతమ్మ కుంట కాళేశ్వరం జలాలతో నిండి, మత్తడి దూకడంతో గంగమ్మ తల్లికి మంత్రి హరీష్ రావు జల హారతి పట్టి ప్రత్యేక పూజలు నిర్వహించారు .ఈ కార్యక్రమంలో జెడ్పీ చైర్మన్ వేలేటి రోజా రాధాకృష్ణ శర్మ, మండల ప్రజాప్రతినిధులు పాల్గొన్నారు .

అంతకు ముందు గ్రామంలోని మాంకాలమ్మ, పెద్దమ్మ, మాతమ్మ దేవాలయంలో అమ్మవారి విగ్రహాలకు మంత్రి హరీష్ రావు ఆవుపాలతో క్షీరాభిషేకం, గోదావరి జలాలతో శాస్త్రోక్తంగా అభిషేకం నిర్వహించారు. ఈ సందర్భంగా ఏర్పాటు చేసిన సమావేశంలో మంత్రి మాట్లాడుతూ ..

విఠలాపూర్ గ్రామస్తులందరి కళ్లలో సంతోషం. మీ ముఖాల్లో చిరునవ్వు చూసి తృప్తిగా కడుపు నిండా భోజనం చేసినట్లు ఉంది..  ఒకప్పుడు తాగడానికి నీళ్లు కావాలని బిందెలు అడ్డం పెట్టిన విఠలాపూర్ లో ఇవాళ ఇంత మండు టెండల్లో అంతకమ్మ కుంట మత్తడి దూకడం చూసి., ఈ చెరువు నిండగా ఎప్పుడూ చూడలేదని.. గ్రామస్తులంటే.. ఇక నుంచి ఎండి పోవడం కూడా చూడరని చెబితే.. గ్రామస్తులు సంబురాన్ని వ్యక్తం చేయడం నాకు చాలా సంతోషాన్ని కలిగిస్తుంది..అన్నారు . కరోనా కష్టకాలంలో కూడా విఠలాపూర్ లో 7643 ధాన్యం పండిందని, రూ.1.35 కోట్లు ధాన్యం కొనుగోళ్లు జరిగాయని మంత్రి వెల్లడించారు .విఠలాపూర్, చిన్నకోడూర్ మండల వాసులు ఏ విషయంలోనైనా ఆదర్శంగా ఉంటారని., ఇదే స్ఫూర్తితో జిల్లాకు, రాష్ట్రానికే ఆదర్శంగా నిలవాలని, ఇందుకు యువత సహకారాన్ని అందించాలని మంత్రి కోరారు. ” సీజన్ పంటలు పండించాలని, సన్న రకం వడ్లు, అల్లం, మిర్చి, కూరగాయల పంటలు పండించండి. మండలంలోని అన్నీ గ్రామాల్లో కుంటలు, చెక్ డ్యాములు, చెరువులు నింపుతామని మంత్రి స్పష్టం చేసారు .గ్రామంలో గోదాము నిర్మాణానికి రూ.5 కోట్లు, ఆనంతమ్మ కుంట కట్ట బలోపేతానికి మరమ్మత్తుకు రూ.1.38 కోట్లు, స్మశాన వాటికకు రూ.30 లక్షలు, సీసీ రోడ్ల నిర్మాణాలకు రూ.40 లక్షలు నిధులు మంజూరు చేస్తున్నట్లు మంత్రి హరీశ్ వెల్లడించారు.