Take a fresh look at your lifestyle.

గాడి తప్పుతున్న ఇంజినీరింగ్ విద్య ఎవరి పాపం ఎంత..?

అయితే ఈ సంవత్సరం అధికంగా 45000కు పైగా సీట్లు కంప్యూటర్ సైన్స్ ఇంజినీరింగ్ బ్రాంచ్ CSE(AI&ML),CSE(Data Science),CSE(IOT),CSE(CSIT),CSE(Software engineering) కు అనుమతించి ప్రభుత్వం ప్రైవేట్ యాజమాన్యాల వ్యాపార కాంక్షకు అధికారికంగా అనుమతినిచ్చినట్లుగా విద్యావేత్తలు భావిస్తున్నారు.

అంతే కాకుండా సాంప్రదాయ ఇంజినీరింగ్ కోర్సుల్లో ( మెకానికల్, సివిల్, EEE, కెమికల్, METALLURGY )13890 సీట్లు తగ్గించడం మరియు ఆ 13890 సీట్లు కంప్యూటర్ సైన్సు ఇంజినీరింగ్ బ్రాంచ్ కు కలపడం జరిగింది ఇదంతా కూడా కేవలం ఫీజు రీ యింబర్సుమెంట్ నిధులను మిగిలించుకునే కుట్ర తప్ప మరొకటి కాదు అనేది బహిరంగ సత్యం.

తెలంగాణ రాష్ట్రంలో వేలాది మంది విద్యార్థులు ఇంజినీరింగ్ ను ఎంచుకొని ఉన్నత విద్య ను అభ్యసిస్తున్నారు. గతంలో కొంత మేరకు మంచి పరిణామాలు కూడా ఉన్నాయి. ఈ సంవత్సరం ఇంజినీరింగ్ లో 97741 సీట్లు 176 ఇంజినీరింగ్ కళాశాలల్లో  ప్రభుత్వం ప్రకటించింది. అయితే ఇందులో 69365 సీట్లు వెబ్ ఆప్షన్స్ ధ్వారా విద్యార్థులు కు అందుబాటులో ఉన్నాయి. ఈ 69365 సీట్లలో 3152 సీట్లు ప్రభుత్వ కళాశాలల్లో ఉన్నాయి. అయితే ఈ సంవత్సరం  అధికంగా 45000కు పైగా సీట్లు కంప్యూటర్ సైన్స్ ఇంజినీరింగ్ బ్రాంచ్ CSE(AI&ML),CSE(Data Science),CSE(IOT),CSE(CSIT),CSE(Software engineering) కు అనుమతించి ప్రభుత్వం ప్రైవేట్ యాజమాన్యాల వ్యాపార కాంక్షకు అధికారికంగా అనుమతినిచ్చినట్లుగా విద్యావేత్తలు భావిస్తున్నారు అంతే కాకుండా సాంప్రదాయ ఇంజినీరింగ్ కోర్సుల్లో ( మెకానికల్,సివిల్,EEE, కెమికల్,METALLURGY) 13890 సీట్లు తగ్గించడం  మరియు ఆ 13890 సీట్లు కంప్యూటర్ సైన్సు ఇంజినీరింగ్ బ్రాంచ్ కు కలపడం జరిగింది ఇదంతా కూడా కేవలం ఫీజు రీ యింబర్సుమెంట్ నిధులను మిగిలించుకునే కుట్ర తప్ప మరొకటి కాదు అనేది బహిరంగ సత్యం. ఇవే కాకుండా అదనంగా  4320 సీట్లు ను తెరాస అనుబంధ కళాశాలలకు మాత్రమే  కేటాయించడం చూస్తే ప్రభుత్వానికి ఇంజినీరింగ్ విద్య నాణ్యత పట్లప్ ఉన్న చిత్తశుద్ధి కనిపిస్తుంది.

ఈ విధంగా ఒకే కోర్సు కి అధిక మొత్తంలో సీట్లను కేటాయించడం, సాంప్రదాయ ఇంజినీరింగ్ కోర్సులు మెకానికల్ ఇంజినీరింగ్, సివిల్ ఇంజినీరింగ్, ఎలక్ట్రికల్ అండ్ ఎలక్ట్రానిక్స్ ఇంజినీరింగ్, కెమికల్ ఇంజినీరింగ్, మెటళ్లర్జికల్ ఇంజినీరింగ్, ఎన్విరాన్మెంటల్ ఇంజినీరింగ్, మైనింగ్ ఇంజినీరింగ్, మెరైన్ ఇంజినీరింగ్ వంటి కోర్సులను మూసివేయతం ధ్వారా రానున్న రోజుల్లో ఇంజినీరింగ్ విద్య కనుమరుగయ్యే అవకాశం ఉంది. ఈ సాంప్రదాయ కోర్సుల్లో 50 శాతం కు పైగా ప్రభుత్వంపై ఆధార పడకుండా విద్యార్థులు ఉద్యోగాలు సంపాదించుకుంటున్నారు. అయితే రానున్న రోజుల్లో ఈ సంప్రదాయ ఇంజినీరింగ్ సంబంధించి ఉద్యోగ అవకాశాలు ఉన్నప్పటికీ అర్హులైన విద్యార్థులు ఉండకపోవచ్చు దాని కారణంగా రాష్ట్రంలో ఆయా రంగాల అభివృద్ధి అర్దాంతరంగా ఆగిపోతుంది.  అంతే కాకుండా కేవలం మనం ఈ రోజు SOFT WARE ఇండస్ట్రీ అవసరాలకు అనుగుణంగా ఒకే కోర్సుకు సంబంధించి ఇంత పెద్ద సంఖ్యలో సీట్లు ను కొనసాగిస్తే ఒకవేళ  SOFTWARE ఇండస్ట్రీ డీలా పడిపోతే నిరుద్యోగం పెరిగిపోతోంది,  ఇంత మందికి మరల ప్రభుత్వం ఉద్యోగం  కల్పించటం కూడా సవాళ్లతో కూడుకున్న విషయం.ఈ మధ్యే చూసాం కరోనా కారణం గా ఎంతో మంది SOFTWARE ఉద్యోగాలు కోల్పోయి రోడ్డున పడ్డారు.

వాస్తవానికి కొత్త కోర్సులను అందరూ స్వాగతించాల్సిందే. అయితే ఆ కొత్త కోర్సుల ధ్వారా ఉద్యోగ కల్పన జరిగితే బాగుంటుంది. కానీ మనం పెంచిన కోర్సుల కు రానున్న రోజుల్లో ఉద్యోగాల కోసం ప్రైవేట్ SOFTWARE ఇండస్ట్రీస్ పైన ఆధార పడాల్సిన అవసరం ఉంది. ఒక వేళ ఆ సమయానికి SOFTWARE మార్కెట్ డీలా పడితే ఒక్క సారిగా వందలు వేల సంఖ్యలో నిరుద్యోగులు పెరిగిపోయి అవకాశం ఉంది. అయితే కొత్త కోర్సులు ఎప్పుడు కూడా స్థానిక వనరులకు అనుగుణంగా ఉండాలి. స్థానిక వనరులకనుగుణంగా కోర్సుల రూపకల్పన చేస్తే ఉద్యోగాల విషయంలో ఇబ్బంది పడకుండా ఉండొచ్చు. అయితే ఇలా కోర్సుల పెంపు విషయంలో కావచ్చు ఇంజినీరింగ్ విద్య గాడి తప్పటంలో కావచ్చు కేవలం ఒక్కరినే మనం బాధ్యులు చేయలేము. ఇష్టారాజ్యంగా విచక్షణ లేకుండా ఒకే CSE కి సంబంధించిన కోర్సులకు అనుమతి ఇచ్చిన AICTE బాధ్యత కూడా ఉంది. కేవలం ఇది ఒక్కటే కాదు AICTE చేస్తిన్న యాజమాన్య సంతుష్టికారణ నిర్ణయాల కారణంగా ఇంజినీరింగ్ విద్య రోడ్డున పడింది అంటే ఏ మాత్రం అతిశయోక్తి కాదు, ఒకప్పుడు ఇంజినీరింగ్ కళాశాలకి అనుమతి రావాలంటే 50 ఎకరాల భూమి తప్పనిసరి, కానీ ఇప్పుడు 2 ఎకరాలు ఉంటే చాలు, అదే విధంగా ఒకప్పుడు 12 నుండి 15 మంది విద్యార్థులకు ఒక లెక్చరర్ ఉండాలి అనే నిబంధన ఉండేది ఆ నిబంధనను కాస్త ఇప్పుడు 18 నుండి 20 మంది విద్యార్థులకు ఒక లెక్చరర్ ఉంటే చాలు, ఇలా యాజమాన్యాల పైరవీలకి తలొగ్గి నిబంధనలకు తూట్లు పొడిచి  AICTE   నాణ్యమైన ఇంజినీరింగ్ విద్యను విద్యార్థులకు దూరం చేసింది. అంతేకాకుండా గత 6 సంవత్సరాల క్రితం మన రాష్ట్రంలో350 ఇంజినీరింగ్ కళాశాలలు ఉండేవి నేడు కేవలము176 ఇంజినీరింగ్ కళాశాలలు మాత్రమే ఉన్నాయి. మరి ఇంత సంఖ్యలో కళాశాలలు తగ్గటానికి గల కారణాలను అన్వేషించాల్సిన జాధ్యత AICTE పై ఉంది. ఇది ఇలా ఉంటే రాష్ట్ర ప్రభుత్వాలు కేవలం ఫీజు రీ యింబర్సుమెంట్ గురించి ఆలోచోస్తూ ఇంజినీరింగ్ విద్యను ప్రైవేట్ కళాశాలలు మరియు ప్రైవేట్ విశ్వ విద్యాలయాల కబంధ హస్తాల్లోకి నెడుతున్నాయి.  ఈ సంవత్సరం 5 విశ్వ విద్యాలయాలు ప్రారంభించారు. 14 ప్రభుత్వ విశ్వ విద్యాలయాలకు 3152 సీట్లు ఉంటే ప్రైవేట్ విశ్వ విద్యాలయాల్లో మాత్రం ఒక్కో విశ్వ విద్యాలయంలోనే 2500 సీట్లు అనుమతించారు దీన్ని బట్టి ప్రభుత్వ విద్య పట్ల ప్రభుత్వానికి ఉన్న నిష్ఠ తేట తెల్లం అవుతుంది రానున్న రోజుల్లో కూడా KG to PG కూడా ఇగ తీరని కలగానే మిగులనుంది అనేది నిగ్గుతేలే నిజం.

ఇంజినీరింగ్ లో  కొత్త కోర్సులను ప్రారభించారు. అయితే ఆ కోర్సులను ప్రభుత్వ ఇంజినీరింగ్ కళాశాలలో ఎందుకు ప్రారంభించలేదు. పేద బడుగు బలహీన వర్గాల విద్యార్థులు CSE(AI&ML),CSE(Data Science),CSE(IOT),CSE(CSIT),CSE(Software engineering) కోర్సులు చదువుకోడానికి అర్హులు కారా? అంతే కాకుండా మొత్తం ప్రభుత్వ ఇంజినీరింగ్ కళాశాలలో కేవలం 3 శాతం సీట్లు మాత్రమే ఉన్నాయి. వాస్తవానికి రెవిన్యూ డివిజన్ కి ఒక ప్రభుత్వ ఇంజినీరింగ్ కళాశాల పెడతాం అని గతంలో చెప్పిన KCR గారి ప్రభుత్వం ఈ రోజు వరకు ఆ మళ్ళీ ఆ ఆలోచన చేసిందే లేదు. అసలు రెవెన్యూ డివిజన్ కి ఒక కళాశాల పెడితే అందులో స్థానిక వనరులకు అనుగుణంగా మరియు పరిశ్రమల అవసరాలకి అణుగునం గా కోర్సులను పెడితే  కొన్ని వేళ కోట్ల ప్రజా ధనాన్ని ఆదా చేయొచ్చు.

 

రాష్ట్ర ప్రభుత్వం కేవలం ఫీజు రీ యింబర్సుమెంట్ గురించి ఆలోచించి 13890 సంప్రదాయ ఇంజినీరింగ్ సీట్లను రద్దు చేసింది. వాటిని మళ్ళీ ఆయా కళాశాలలకు కేటాయించాలి. అయితే సంబంధిత విశ్వ విద్యాలయాలు ప్రభుత్వానికి ఏ కోర్స్ ధ్వారా ఉపయోగం ఉంది, ఏ కోర్స్ విద్యార్థులు ఎంత మంది ఉద్యోగాలు పొందుతున్నారు అనే విషయాన్ని నివేదిక రూపంలో సమ్పర్పించి, ఇంజినీరింగ్ విద్యను కాపాడే విధంగా చర్యలు తీసుకోవాలి. అంతేకాకుండా ఇంజినీరింగ్ కళాశాలల యాజమాన్యాలు కేవలం తాత్కాలిక పరిష్కారం చూసుకొని మిగతా కోర్సులను రద్దు చేసి కేవలము CSE సంబంధించిన కోర్సులను మాత్రమే నడిపిస్తే రానున్న రోజుల్లో CSE కి క్రేజ్ పోతే ఆ రోజు మొత్తం కళాశాల లు మూతపడే అవకాశం యున్నది.

 

అయితే కొత్త కోర్సుల విషయంలో CSE లో CSE(AI&ML),CSE(Data Science),CSE(IOT),CSE(CSIT),CSE(Software engineering) ఇలా 6 వివిధ SPECIALIZATIONS ప్రవేశపెట్టిన సంగతి తెలిసిందే. కావున ప్రతి స్పెషలిజాషన్ లో ను కామన్ CSE సబ్జెక్ట్స్ తో పాటు ఇంకా అదనంగా 18-20 క్రెడిట్స్ అంటే దాదాపుగా 5-7 సబ్జెక్ట్స్ ఆ స్పెషలిజాషన్ కోర్ సబ్జెక్ట్స్ చదివించి B. Tech Honours డిగ్రీ ఇస్తే బాగుంటుంది అనే విషయం పై ప్రభుత్వం తో విశ్వ విద్యాలయాలు చర్చించాలి.

లేకపోతే రానున్న రోజుల్లో మళ్ళీ సీసీ/IT,  Mechanical/Mining Equivalence సమస్యలు ఏ విధంగా వచ్చాయో ఇక్కడ కూడా మళ్లీ సమస్యలు వచ్చే అవకాశం ఉంది, అదే విధంగా మనం CBCS విధానమే అనుసరిస్తున్నాం కాబట్టి ఎలెక్టీవ్స్, ఓపెన్ ఎలెక్టీవ్స్ స్థానం లో సంప్రదాయ ఇంజనీరింగ్ బ్రాంచ్ కి సంబంధించిన సబ్జెక్ట్స్ పెట్టాలి.

 

చివరిగా ఇంజినీరింగ్ విద్యను బలపర్చేందుకు AICTE ప్రతి సంవత్సరం తాము అనుమతి ఇచ్చిన కళాశాలల పనితీరును ఎప్పటికప్పుడు పరిశీలించాలి అదే విధంగా నూతన కోర్సులను స్థానిక వనరులకు అనుగుణంగా మొదట ప్రభుత్వ ఇంజినీరింగ్ కళాశాలల్లో ప్రవేశ పెట్టాలి, రాష్ట్ర ప్రభుత్వం సాధ్యమైనన్ని ప్రభుత్వ ఇంజినీరింగ్ కళాశాలల్ని నిర్మించాలి, కేవలం ఫీజు రీ యింబర్సుమెంట్ ని దృష్టిలో పెట్టుకొని విద్యార్థుల జీవితాలని గందరగోళంలోనికి నెట్టకూడదు, అదే విధంగా CSR స్కీం కింద ప్రైవేట్ ఇండస్ట్రీస్ మరియు BHEL, BEL, HAL, DRDO, DMRL, NAC,DRDL వంటి సంస్థలతో విద్యార్థులకు శిక్షణ ఇచ్చి KNOWLEDGE షేరింగ్ చేయాలి సాధ్యమైనంత వరకు ఉద్యోగాలలో అవకాశం ఇవ్వాలి, ప్రైవేట్ ఇంజనీరింగ్ కళాశాలల యాజమాన్యాలు  తాత్కాలిక ఉపయోగాలను కాకుండా శాశ్వత పరిష్కారం దిశగా ఆలోచించాలి.

 

డా:కృష్ణ  సామల్ల, ప్రొఫెసర్

9705890045

Get real time updates directly on you device, subscribe now.

Leave a Reply