Take a fresh look at your lifestyle.

భారీ వర్షాలకు జిల్లాలో చెరువులు కుంటలు జలకళ వరి, పత్తి పంటలు నీటమునిగి నష్టం

నాగర్‌ ‌కర్నూల్‌: ఇటీవల వారం రోజుల నుండి జిల్లాలో కురుస్తున్న భారీ వర్షాలకు పత్తి,వరి పంటలు నీటమునిగి నష్టం వాటిల్లింది. వ్యవసాయ అధికారులు గ్రామాలు తిరుగుతూ నష్టం జరిగిన పంటలు పరిశీలిస్తున్నారు. శనివారం కురిసిన వర్షానికి గ్రామాల్లో ఉన్న చెరువులు కుంటలు  నిండిపోవడంతో అలుగులు పారుతున్నాయి. ఎక్కడ చూసినా నీళ్లతో ఉప్పొంగి పోతున్నాయి.కొన్ని  గ్రామాల్లో కుంటలు తెగి పత్తి,వరి పంట నీటమునిగాయి భారీ ఎత్తున నష్టం వాటిల్లిందని అధికారులు అంచనా వేస్తున్నారు.

రైతులు వరి పంట వేయడంతో అట్టి పంట మొత్తం నీట మునిగి  నష్టం వాటిల్లింది.లింగాల మండలంలోని లింగాల, కోమటికుంట,దత్తారం, జీలుగు పల్లి,అంబటిపల్లి, తెల్కపల్లి మండలంలో బొపల్లి,పెద్దూర్‌,‌వట్టిపల్లి,రాయపాకుల,పెద్దకొత్తపల్లి మండలంలో యాపట్ల, దేదినీనీపల్లి,పెద్దకర్పాముల,మారెడుమాన్‌ ‌దిన్నె, మరికల్‌ ‌గ్రామాల్లో వరదనీరు ఉదృతంగా ప్రవహించడంతో ప్రయాణికులు ఎక్కడి ప్రజలు అక్కడే నిలిచిపోయారు. ప్రభుత్వం నష్టం వాటిల్లిన రైతుల వివరాలు సేకరించి జిల్లా ఉన్నతాధికారులకు నివేదిక పంపించాలని గ్రామాల రైతులు కోరుతున్నారు.

Get real time updates directly on you device, subscribe now.

Leave a Reply