Take a fresh look at your lifestyle.

ఢిల్లీ ఎన్నికలకు మోగిన నగారా

Election Commission has announced the schedule for the Delhi Assembly elections
షెడ్యూల్‌ను విడుదల చేసిన సీఈసీ – ఫిబ్రవరి 8న పోలింగ్‌, 11‌న ఫలితాలు – ఒకే విడతలో అసెంబ్లీ ఎన్నికల పోలింగ్‌

న్యూఢిల్లీ: ఢిల్లీ శాసనసభ ఎన్నికలకు కేంద్ర ఎన్నికల కమిషన్‌ ‌షెడ్యూల్‌ ‌విడుదల చేసింది. ఫిబ్రవరి 22తో అసెంబ్లీకి గడువు ముగియనుండగా సోమవారం ఎన్నికల షెడ్యూల్‌ను వెల్లడించింది. మొత్తం 70 స్థానాలున్న ఢిల్లీ అసెంబ్లీకి ఒకే విడతలో పోలింగ్‌ ‌నిర్వహించనున్నారు. ఫిబ్రవరి 8న పోలింగ్‌ ‌నిర్వహించి, అదే నెల 11న ఫలితాలను వెల్లడించనున్నారు. ఇందుకు జనవరి 14న నోటిఫికేషన్‌ ‌వెల్లడించనున్నట్టు చీఫ్‌ ఎలక్షన్‌ ‌కమిషనర్‌ ‌సునీల్‌ అరోరా తెలిపారు. అదే రోజు నుంచి నామినేషన్‌ ‌పక్రియ ప్రారంభమవుతుందని వివరించారు. నామినేషన్ల దాఖలుకు
జనవరి 21 చివరి తేదీ కాగా, జనవరి 23న పరిశీలన ఉంటుందన్నారు.

అలాగే నామినేషన్ల ఉపసంహరణకు తుది గడువును జనవరి 24గా ప్రకటించారు. జనవరి 6 నాటికి ఢిల్లీలో మొత్తం 1,46,92,136 ఓటర్లు ఉన్నట్టు ఎన్నికల సంఘం ప్రధాన అధికారి సునీల్‌ అరోరా తెలిపారు. మొత్తం 13,767 పోలింగ్‌ ‌కేంద్రాలను ఏర్పాటు చేయనున్నామని, ఇందుకు 90 వేల మంది సిబ్బంది అవసరం ఉంటుందని తెలిపింది. సోమవారం నుంచే ఎన్నికల కోడ్‌ అమల్లోకి వస్తుందని ఈసీ స్పష్టం చేసింది. 2015 ఎన్నికల్లో అరవింద్‌ ‌కేజీవ్రాల్‌ ‌నాయకత్వంలోని ఆమ్‌ ఆద్మీ పార్టీ మొత్తం 67 స్థానాల్లో విజయం సాధించి ప్రభుత్వాన్ని ఏర్పాటుచేసింది. అయితే, ఈ ఏడాది జరిగిన సార్వత్రిక ఎన్నికల్లో మాత్రం ఏడు పార్లమెంటు స్థానాల్లోనూ బీజేపీ విజయం సాధించింది. ఈ ఎన్నికల్లో తిరిగి అధికారం చేజిక్కించుకోవాలని ఆప్‌.. ‌ఢిల్లీ పీఠాన్ని దక్కించుకోడానికి బీజేపీ విశ్వప్రయత్నాలు చేస్తున్నాయి. ఎన్నికల వ్యూహకర్త ప్రశాంత్‌ ‌కిశోర్‌ ఈ ఎన్నికల్లో కేజీవ్రాల్‌కు పనిచేయనున్నారు.

Tags: Election Commission, announced, schedule, Delhi Assembly elections 2020

Get real time updates directly on you device, subscribe now.

Leave a Reply