Take a fresh look at your lifestyle.

కొరోనాతో ఆదాయం తగ్గినా.. సంక్షేమం ఆగదు

పట్టణ ప్రజల కోసం పబ్లిక్‌ ‌టాయిలెట్స్ ఏర్పాటు
సంగారెడ్డి జిల్లాలో పలు కార్యక్రమాల్లో పాల్గొన్న మంత్రి హరీష్‌రావు

కొరోనాతో రాష్ట్ర ఆదాయం తగ్గినా ప్రజా సంక్షేమ కార్యక్రమాలను ప్రభుత్వం ఆపలేదని ఆర్థిక మంత్రి హరీష్‌ ‌రావు స్పష్టం చేశారు. శుక్రవారం ఆందోల్‌లో రెండు కోట్లతో నిర్మించనున్న ఆందోల్‌ – ‌జోగిపేట టౌన్‌ ‌హాలుకు ఆయన శంకుస్థాపన చేశారు. అనంతరం మహిళలకు షాదీ ముబారక్‌, ‌కల్యాణ లక్ష్మి చెక్కులను  అందజేశారు. ఈ సందర్భంగా మంత్రి  మాట్లాడుతూ ప్రభుత్వం కుల, మత భేదాలు లేకుండా నిరుపేదలైన ఆడ పిల్లల వివాహానికి లక్ష నూట పదహార్లు ఆర్థిక సాయం అందిస్తోందన్నారు. దేశంలో మరే రాష్ట్రంలో ఇలాంటి పథకాన్ని అమలు చేయడం లేదన్నారు. ఒక్క తెలంగాణ రాష్ట్రంలో, సీఎం కేసీఆర్‌ ఆధ్వర్యంలోనే ఇలాంటి సంక్షేమ కార్యక్రమాలు నడుస్తున్నాయన్నారు. ఈ ఒక్క నెలలోనే కల్యాణ లక్ష్మి పథకం కింద 401 కోట్లు  చెల్లించామన్నారు. ఇటీవలే రైతు బంధు కింద 7400 కోట్లు సాయమందించామన్నారు. ఆసరా పెన్షన్లు రెండు వేల రూపాయలు సైతం అందిస్తున్నామన్నారు.
ఎమ్మెల్యే క్రాంతి కిరణ్‌ ఆధ్వర్యంలో అందోల్‌లో  పలు అభివృద్ధి కార్యక్రమాలు జరుగుతున్నాయన్నారు. అందులో భాగంగా సభలు, సమావేశాలు, శుభ కార్యాలకు వినియోగించేందుకు గాను రెండు కోట్లతో టౌన్‌ ‌హాల్‌ ‌నిర్మిస్తున్నట్లు మంత్రి చెప్పారు. స్పెషల్‌ ‌డెవలప్మెంట్‌ ‌ఫండ్‌తో ఈ నిర్మాణం చేపడుతున్నట్లు తెలిపారు. అవసరం అయితే మరిన్ని నిధులు కేటాయించి టౌన్‌ ‌హాలును అన్ని హంగులతో నిర్మిస్తామన్నారు. ఆందోల్‌లో 320 డబుల్‌ ‌బెడ్‌ ‌రూంల నిర్మాణం పూర్తయిందన్నారు. అర్హులైన నిరు పేదల నుంచి దరఖాస్తులు స్వీకరించాలని జిల్లా కలెక్టర్‌ ‌హనుమంతరావుకు మంత్రి ఆదేశించారు. నిరుపేదల ఎంపిక పారదర్శకంగా జరగాలని సూచించారు. కోటీ 20 లక్షలతో డ్రైన్లు ఇతర సదుపాయాలు కల్పిస్తామన్నారు. జోగిపేటలోనూ డబుల్‌ ‌బెడ్‌ ‌రూంల నిర్మాణం జరుగుతుందని, త్వరలోనే  అర్హులను గుర్తించి వాటిని ఇస్తామన్నారు. ఈ కార్యక్రమంలో ఎమ్మెల్యే క్రాంతి కిరణ్‌, ఎం‌పీ బీబీ పాటిల్‌, ‌జెడ్‌ ‌పి ఛైర్మన్‌ ‌మంజుశ్రీ జయపాల్‌ ‌రెడ్జి , కలెక్టర్‌ ‌హనుమంతరావు, డీసీసీబీ ఛైర్మన్‌ ‌చిట్టి దేవేందర్‌ ‌రెడ్డి, తదితరులు పాల్గొన్నారు.
పట్టణ ప్రజల కోసం పబ్లిక్‌ ‌టాయిలెట్స్ ఏర్పాటు
పట్టణ ప్రజల కోసం పబ్లిక్‌ ‌టాయిలెట్స్ ఏర్పాటు చేశామని, జిల్లాలోని అన్ని పురపాలికల్లో ప్రజల సౌకర్యార్థం పబ్లిక్‌ ‌టాయిలెట్లను అందుబాటులోకి తీసుకువచ్చామని రాష్ట్ర ఆర్థిక శాఖ మంత్రి తన్నీరు హరీష్‌ ‌రావు అన్నారు. పట్టణ ప్రగతిలో భాగంగా సంగారెడ్డి ఎక్స్ ‌రోడ్‌లో నిర్మించిన పబ్లిక్‌ ‌టాయిలెట్లను శుక్రవారం మంత్రి ప్రారంభించారు. కలెక్టరేట్‌లో అమీన్‌ ‌పూర్‌, ‌సదాశివ పేట, బొల్లారం పురపాలక సంఘాల కొరకు ఏర్పాటయిన మూడు మోబైల్‌ ‌బయో టాయిలెట్‌ ‌బస్సులను  జెండా ఊపి ప్రారంభించారు. ఈ సందర్భంగా మంత్రి మాట్లాడుతూ స్వచ్ఛ సర్వేక్షణ్‌లో భాగంగా సంగారెడ్డిలో పబ్లిక్‌ ‌టాయిలెట్స్ ‌ప్రారంభించామన్నారు. స్వచ్ఛ సర్వేక్షణ్‌ ‌నిబంధనల మేరకు ప్రతి వెయ్యి మంది జనాభాకు ఒక మరుగుదొడ్డి ఉండాలన్నారు. సంగారెడ్డి జిల్లాలోని ఎనిమిది పట్టణాల్లో జనాభా ప్రాతిపదికన 346 మరుగుదొడ్లు ఉండాల్సి ఉండగా, ఇప్పటివరకు 115 మాత్రమే ఉన్నాయని, గత నెలన్నరగా మున్సిపల్‌ ‌శాఖ మంత్రి కేటీఆర్‌, ‌తాను ఉమ్మడి మెదక్‌ ‌జిల్లాకు సంబంధించి మరుగుదొడ్ల నిర్మాణాలపై రెగ్యులర్‌గా సమీక్షించడం జరిగిందన్నారు.
గత నెల రోజులుగా జిల్లాలో 231 మరుగుదొడ్లను నిర్మించారని, దీంతో జనాభాకు సరిపడు 346 మరుగుదొడ్లు పూర్తయ్యాయని మంత్రి తెలిపారు. అందులో 50 శాతం మహిళలకు 50 శాతం పురుషుల కోసం నిర్మించినట్లు తెలిపారు. రివ్యూలో భాగంగా  మొబైల్‌ ‌షి టాయిలెట్లను ఏర్పాటు చేయడం జరిగిందన్నారు. ముఖ్యంగా  మహిళలు  గుళ్లకు, సంతలకు వెళ్ళినప్పుడు ఇబ్బంది లేకుండా మొబైల్‌ ‌షి టాయిలెట్‌ ‌బస్సులను ప్రతి పట్టణంలో సంత అంగడి జరిగే చోట ఉంచాలని మంత్రి ఆయా మున్సిపల్‌ ‌కమిషనర్లకు సూచించారు. జిల్లాలో 6 మొబైల్‌ ‌షి టాయిలెట్‌ ‌బస్సులు ఏర్పాటు చేసినట్లు తెలిపారు. ఆర్టీసీ నుండి పాత బస్సులను తీసుకుని ప్రతి బస్సులో 2 టాయిలెట్లు ఉండేలా ఏర్పాటు చేశామని, అందులో ఒకటి  ఇండియన్‌ ‌టాయిలెట్‌ , ‌మరొకటి వెస్ట్రన్‌ ‌టాయిలెట్‌ ఉం‌దన్నారు. ఇవి ప్రత్యేకించి మహిళలు మాత్రమే వినియోగించుకోవాల్సి ఉంటుందన్నారు. మొబైల్‌ ‌టాయిలెట్‌ల ఏర్పాటులో ఉమ్మడి జిల్లాలో సంగారెడ్డి జిల్లా మొదటి జిల్లా అని మంత్రి తెలిపారు. అన్ని మున్సిపాలిటీలలో నిర్మించిన మరుగుదొడ్ల నిర్వహణ పబ్లిక్‌ ‌మరియు ప్రైవేట్‌ ‌భాగస్వామ్యం ఉండేలా ఏర్పాటు చేశామన్నారు. మరుగుదొడ్ల ముందుభాగంలో ఒక షాపు ఉంటుందని వెనుక భాగంలో మరుగుదొడ్లు ఉంటాయనీ, రన్నింగ్‌ ‌వాటర్‌ ‌తో అన్ని వేళల అందుబాటులో ఉండేవిధంగా ఏర్పాటు చేశామని పేర్కొన్నారు. ప్రజల సౌకర్యార్థం ఏర్పాటుచేసిన మరుగుదొడ్లు వినియోగంలోకి వచ్చేలా చూడాలని మున్సిపల్‌ ‌కమిషనర్లు, చైర్మన్లకు సూచించారు. ప్రజలు పబ్లిక్‌ ‌టాయిలెట్లను తమ అవసరం మేరకు వినియోగించు కోవడంతో పాటు  పట్టణాలను స్వచ్ఛ పట్టణాలుగా ఉంచడంలో భాగస్వాములు కావాలని మంత్రి కోరారు. ఈ కార్యక్రమంలో ఎంపీ బీబీ పాటిల్‌, ‌జెడ్పి చైర్‌ ‌పర్సన్‌ ‌మంజుశ్రీ, జిల్లా కలెక్టర్‌ ‌హనుమంతరావు, అదనపు కలెక్టర్‌ ‌రాజర్షి షా, మున్సిపల్‌ ‌చైర్‌ ‌పర్సన్‌ ‌లు, వైస్‌ ‌చైర్మన్లు, మాజీ శాసనసభ్యులు చింత ప్రభాకర్‌, ‌ప్రజా ప్రతినిధులు అధికారులు తదితరులు పాల్గొన్నారు.
సంగారెడ్డి లో డీసీఎంఎస్‌ ‌కార్యాలయాన్ని ప్రారంభించిన మంత్రి
సంగారెడ్డిలో డీసీఎంఎస్‌ ‌కార్యాలయాన్ని రాష్ట్ర ఆర్థిక శాఖ మంత్రి తన్నీరు హరీష్‌ ‌రావు శుక్రవారం పాత కలెక్టరేట్‌ ‌భవనం ఆవరణలో నూతన కార్యాలయాన్ని రిబ్బన్‌ ‌కట్‌ ‌చేసి ప్రారంభించారు. డీసీఎంఎస్‌ ‌చైర్మన్‌ ‌మల్కాపురం శివకుమార్‌ను తన సీటులో మంత్రి  కూర్చోబెట్టి ఆయనకు అభినందించారు. ఈ కార్యక్రమంలో  ఎంపీ బీబీ పాటిల్‌,ఎమ్మెల్యే క్రాంతి కిరణ్‌, ‌జెడ్‌ ‌పి ఛైర్మన్‌ ‌మంజుశ్రీ జయపాల్‌ ‌రెడ్జి , కలెక్టర్‌ ‌హనుమంతరావు, అదనపు కలెక్టర్‌ ‌రాజహర్షి షా, డీసీసీబీ ఛైర్మన్‌ ‌చిట్టి దేవేందర్‌ ‌రెడ్డి, డీసీఓ ప్రసాద్‌,‌మాజీ ఎమ్మెల్యే చింతా ప్రభాకర్‌, ‌శ్రీ కేతకి సంగమేశ్వర ఆలయం మాజీ చైర్మన్‌  ‌నర్సింహా గౌడ్‌, ఇతర ప్రజా ప్రతినిధులు, అధికారులు, తదితరులు పాల్గొన్నారు.

Leave a Reply