Take a fresh look at your lifestyle.

డాక్టర్‌ ఎల్లూరి శివారెడ్డికి దాశరథి కృష్ణమాచార్య అవార్డు

తెలుగు యూనివర్సిటీ మాజీ ఉపకులపతి డాక్టర్‌ ఎల్లూరి శివారెడ్డి 2021 సంవత్సరానికిగాను దాశరథి కృష్ణమాచార్య అవార్డుకు ఎంపికయ్యారు. దాశరథి జయంతి సందర్భంగా ఎల్లూరి శివారెడ్డికి నేడు అవార్డును ప్రదానం చేయనున్నారు. అవార్డుతో పాటు 1,01,116 నగదును అందజేయనున్నారు. సాహిత్య రంగంలో విశేషంగా కృషి చేసిన వారిని తెలంగాణ ప్రభుత్వం గుర్తించి ప్రతి ఏడాది దాశరథి జయంతి(జులై 22) రోజున ఆ అవార్డును ప్రదానం చేస్తున్నది.

ఈ అవార్డు ప్రదానం 2015 సంవత్సరం నుంచి కొనసాగుతుంది. 2015లో తొలి దాశరథి సాహితీ పురస్కారాన్ని కవి ఆచార్య తిరుమల శ్రీనివాసాచార్యకు ప్రదానం చేశారు. 2016లో జే బాపురెడ్డికి, 2017లో ఆచార్య ఎన్‌ ‌గోపికి, 2018లో వఝల శివకుమార్‌కు, 2019లో డాక్టర్‌ ‌కూరెళ్ల విఠలాచార్యకు, 2020లో డాక్టర్‌ ‌తిరునగరి రామానుజయ్యకు దాశరథి కృష్ణమాచార్య అవార్డు వరించింది.

Leave a Reply