Take a fresh look at your lifestyle.

సిలిం’డర్‌’ ‌ధరల పేలుళ్లు

కరోనా అలల సునామీ ఓ వైపు..
ఉద్యోగ ఉపాధుల కరువు మరో వైపు
గోరుచుట్టుపై ‘బండ’ పోటు బాధలు
దెబ్బ మీద దెబ్బతో కుదేలైన జీవులు !

పెట్రో డిజిల్‌ ‌కక్కుతున్న ఇం’ధన’ సెగలు
భగ్గుమన్న వంటింటి గ్యాస్‌ ‌మంటలు
బరువెక్కిన బడుగుల బండ బతుకులు
మసకబారుతున్న పేదోడి జీవితాలు !

పైపైకి పాకుతున్న ధరాఘాతాలు
సామాన్యుడి జేబుకు భారీ చిల్లులు
దిక్కులేని వారికి లేరెవరూ దిక్కు..
దేవుడే నిస్సహాయుడైన అకాలాలు !

సెంచరీ దాటిన పెట్రో కొరడా దెబ్బలు
విజృంభిస్తున్న ద్రవ్యోల్బణ విష కోరలు
ఆకలితో అలవటిస్తున్న దీనజనులు
సతమతమవుతున్న సగటు కుటుంబాలు !

కుతకుత ఉడుకుతున్న బండ రేట్లు
పేదోడి తలపై సిలిం’డర్‌’ ‌పేలుళ్లు
కన్నీరే ఇంకిన పోయిన జీవచ్ఛవాలు
ఆదుకునే నాధుడే కానరాని అభాగ్యులు !

పేదోడి పొయ్యిలో పిల్లుల నిద్రలు
మాడుతున్న పేగుల్లో ఎలుకల పరుగులు
చేతులెత్తేసిన ప్రభుత్వ యంత్రాంగాలు
గాల్లో దీపాలైన నిరుపేద గుండెలు !

ధరలకు బదులు ధైర్యాన్ని..
ఆకలికి బదులు అన్నాన్ని..
కన్నీటికి బదులు మానవత్వాన్ని..
పెంచి పోషించి చేయూతనిద్దాం !

 డా: బుర్ర మధుసూదన్‌ ‌రెడ్డి
             కరీంనగర్‌ – 9949700037

Leave a Reply