Take a fresh look at your lifestyle.

దేశంలో రోజు రోజుకు పెరుగుతున్న కొరోనా 5865 పాజిటివ్‌ ‌కేసులు

  • దేశంలో ఇప్పటి వరకు 5865 మంత్రి కొరోనా బాధితులు
  • కొరోనా వైరస్‌ ‌బారిన పడి 166 మంది మృతి
  • కేంద్ర ఆరోగ్య మంత్రిత్వ శాఖ జాయింట్‌ ‌సెక్రటరీ లవ్‌ అగర్వాల్‌ 

‌భారత్‌లో గడిచిన 24 గంటల్లో 549 కరోనా పాజిటివ్‌ ‌కేసులు నమోదైనట్లు కేంద్ర ఆరోగ్య మంత్రిత్వ శాఖ జాయింట్‌ ‌సెక్రటరీ లవ్‌ అగర్వాల్‌ ‌వెల్లడించారు. ఇప్పటి వరకు దేశ వ్యాప్తంగా కరోనా వైరస్‌ ‌బారిన పడి 166 మంది మృతి చెందినట్లు ఆయన తెలిపారు.  బుధవారం ఒక్కరోజే 17 మంది చనిపోయారు. మొత్తంగా దేశంలో కరోనా పాజిటివ్‌ ‌కేసుల సంఖ్య 5865కు చేరిందని అగర్వాల్‌ ‌పేర్కొన్నారు. ఈ వైరస్‌ ‌బారి నుంచి 473 మంది కోలుకుని డిశ్చార్జి అయ్యారు. పీపీఈ కిట్లు, మాస్కులు, వెంటిలేటర్లను ఆయా రాష్టాల్రకు పంపిణీ చేస్తున్నామని చెప్పారు. దేశంలోనే 20 మ్యానుఫ్యాక్చర్స్ ‌కంపెనీలు పీపీఈ కిట్లను తయారు చేస్తున్నాయని అగర్వాల్‌ ‌తెలిపారు.

1.7 కోట్ల పీపీఈ కిట్లకు, 49 వేల వెంటిలేటర్లకు ఆర్డర్స్ ఇచ్చామన్నారు. రైల్వే విభాగంలో 2,500 మంది డాక్టర్లు, 35 వేల పారామెడికల్‌ ‌సిబ్బంది సిద్ధంగా ఉన్నారని చెప్పారు. ఇండియన్‌ ‌రైల్వేస్‌లో 80 వేల ఐసోలేషన్‌ ‌బెడ్లను ఏర్పాటు చేసినట్లు ఆయన పేర్కొన్నారు. వీటి కోసం 5 వేల కోచ్‌లను ఉపయోగించారు. ఇదిలావుంటే గడిచిన నెల నుంచి నెలన్నర మధ్య దేశంలో కరోనా వైరస్‌ ‌టెస్ట్ ‌పాజిటివిటీ రేటు 3 నుంచి 5 శాతం మధ్య ఉన్నట్టు ఇండియన్‌ ‌కౌన్సిల్‌ ఆఫ్‌ ‌మెడికల్‌ ‌రీసెర్చ్ ఐసీఎంఆర్‌ ‌గురువారం తెలిపింది. ఇది గణనీయంగా పెరగలేదని పేర్కొంది. దేశంలో ఇప్పటి వరకు 1,30,000 కరోనా వైరస్‌ ‌పరీక్షలు జరిగాయని, వీటిలో 5865 నమూనాలు పాజిటివ్‌గా తేలాయని ఐసీఎంఆర్‌ ‌వివరించింది.

Leave a Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy