Take a fresh look at your lifestyle.

పశ్చిమలో అమూల్‌ ‌పాల వెల్లువ: సిఎం జగన్‌

  • పాడి రైతులకు గిట్టుబాటు ధరలే లక్ష్యంగా విస్తరణ
  • అమూల్‌ ‌ప్రాజెక్టును వర్చువల్‌గా ప్రారంభించిన సిఎం జగన్‌

అమరావతి, జూన్‌ 4 : అమూల్‌ ‌ప్రాజెక్ట్ ‌మరో జిల్లాకు విస్తరించింది. పాడి రైతుల సంక్షేమమే లక్ష్యంగా ఏపీ అమూల్‌ ‌పాల వెల్లువ ప్రాజెక్టును చేపట్టిన రాష్ట్ర ప్రభుత్వం.. మరో అడుగు ముందుకు వేసింది. పశ్చిమ గోదావరి జిల్లాలో పాల సేకరణ కార్యక్రమాన్ని ముఖ్యమంత్రి వైఎస్‌ ‌జగన్‌మోహన్‌రెడ్డి శుక్రవారం తన క్యాంప్‌ ‌కార్యాలయం నుంచి వర్చువల్‌గా ప్రారంభించారు. ఈ సందర్భంగా జగన్‌ ‌మాట్లాడుతూ.. జిల్లాలో తొలి విడతలో 142 గ్రామాల్లో అమూల్‌ ‌పాల సేకరణ చేయనుందని వెల్లడించారు. పాదయాత్రలో పాడి రైతుల కష్టాలు తెలుసుకున్నానన్నారు. లీటర్‌ ‌పాల ధర కంటే లీటర్‌ ‌నీళ్ల ధరే ఎక్కువుందని రైతులు ఆవేదన వెలిబుచ్చారన్నారు. లాభాపేక్ష లేకుండా అమూల్‌ ‌సంస్థ ముందుకొచ్చిందని జగన్‌ ‌తెలిపారు. అమూల్‌ ‌ద్వారా పాడిరైతులకు మంచి ఆదాయం వస్తోందన్నారు. నేరుగా పాడి రైతుల ఖాతాల్లో పది రోజులకోసారి డబ్బు జమ అవుతుందని సీఎం జగన్‌ ‌వెల్లడించారు.

ఈ సందర్భంగా సీఎం వైఎస్‌ ‌జగన్‌ ‌మాట్లాడుతూ, పశ్చిమగోదావరి జిల్లాలో జగనన్న పాల వెల్లువకు శ్రీకారం చుట్టామన్నారు. పాదయాత్రలో పాల రైతుల కష్టాలు చూశానని, లీటర్‌ ‌పాల ధర కంటే లీటర్‌ ‌నీళ్ల ధరే ఎక్కువ ఉందని రైతులు ఆవేదన వ్యక్తం చేశారని తెలిపారు. ఇచ్చిన హా మేరకు పాడి రైతుల కోసం అమూల్‌ ‌ప్రాజెక్ట్‌ను తీసుకొచ్చాం. అమూల్‌ ‌సంస్థలో వాటాదారులంతా పాలు పోసే అక్కాచెల్లెమ్మలు. పాలసేకరణలో చెల్లించే ధరలు.. మిగిలిన సంస్థల కంటే అమూల్‌ ‌సంస్థలో ఎక్కువ. అమూల్‌ ‌ద్వారా పాడిరైతులకు మంచి లాభాలు వస్తున్నాయని సీఎం వైఎస్‌ ‌జగన్‌ అన్నారు. ఇప్పటికే చిత్తూరు, ప్రకాశం, గుంటూరు, వైఎస్‌ఆర్‌ ‌జిల్లాల్లో పాల సేకరణ జరుగుతోంది.

ఇవాళ్టి నుంచి ప.గో.జిల్లాలోని 153 గ్రామాల్లో అమూల్‌ ‌సంస్థ పాలసేకరణ చేస్తుంది. రాష్ట్రంలో 9,899 గ్రామాలకు అమూల్‌ను విస్తరిస్తాం. లీటర్‌కు అదనంగా రూ.5 నుంచి రూ.15 వరకు వచ్చేలా చేస్తాం. 13,739 మంది అక్కాచె•-లలెమ్మలకు ఇప్పటివరకు అదనంగా రూ.4 కోట్ల 6 లక్షలు వచ్చింది. పాడి రైతులకు 10 రోజులకు ఒకేసారి బిల్లు చెల్లింపులు. ఏఎంసీ, బీఎంసీ వద్ద పాలు పోసిన వెంటనే నాణ్యత తెలిపి స్లిప్‌ ఇస్తారు. ఆ స్లిప్‌ ఆధారంగా ప్రతి లీటర్‌కు రూ.5 నుంచి రూ.15 అదనంగా వస్తుందని సీఎం జగన్‌ ‌పేర్కొన్నారు. గ్రామాల అభివృద్ధికి సీఎం జగన్‌ ‌విప్లవాత్మక మార్పులు తీసుకొచ్చారని అమూల్‌ ఎం‌డీ సోథీ అన్నారు. అమూల్‌ ‌సంస్థ రైతుల భాగస్వామ్యంతోనే నడుస్తోందన్నారు. అమూల్‌ ‌సంస్థకు వచ్చే లాభాలను పాడిరైతులకే అందిస్తున్నామని అమూల్‌ ఎం‌డీ తెలిపారు.

Leave a Reply