సిజేరియన్‌ డెలివరీలు సరికాదు
హైదరాబాద్‌, ప్రజాతంత్ర, ఫిబ్రవరి 20 : సిజేరియన్‌ డెలిరీలపై మంత్రి హరీష్‌ రావు మరోమారు అసహనం వ్యక్తం చేశారు. కొంతమంది వైద్యులు కావాలనే ముందే డెలివరీలు చేస్తున్నారని, దీనిపై కఠిన చర్యలు తీసుకుంటామని మంత్రి హరీష్‌ రావు హెచ్చారించారు. హైదరాబాద్‌లోని పేట్లబురుజు హాస్పిటల్‌లో ఇన్ఫెక్షన్‌ ప్రివెన్షన్‌, ఎర్లీ డిటెక్షన్‌ అం‌డ్‌ మేనేజ్మెంట్‌ పోగ్రామ్‌ను ప్రారంభించిన మంత్రి హరీష్‌ రావు.. తెలంగాణ వొచ్చిన తరువాత బెడ్స్ పెరుగుదల, స్టాఫ్‌ పెంచడం, కేసీఆర్‌ కిట్‌, న్యూట్రిషన్‌ కిట్‌… ఇలా ఎన్నో పథకాలు తీసుకొచ్చామని చెప్పారు. దాని వల్ల మంచి ఫలితాలొస్తున్నాయని తెలిపారు. ప్రస్తుతం మదర్‌ మోర్టాలిటి రేటులో 3వ స్థానంలో ఉన్నామని, భారత సరాసరి కంటే బాగున్నామని, కానీ ఫస్ట్ ప్లేస్‌కి రావాలని ఆకాంక్షించారు.
రిస్క్ ఉన్న తల్లిని డెలివరీ డేట్‌కి ముందు గానే హాస్పిటల్‌లో జాయిన్‌ చెయ్యమని ఏఎన్‌ఎం, ఆశా కార్యకర్తలకు మంత్రి సూచించారు. హాస్పిటల్‌లో ఇన్ఫెక్షన్‌ కమిటీలు ఏర్పాటు చేశామన్న ఆయన… ఇన్ఫెక్షన్‌ కంట్రోల్‌కి కూడా నిధులు ఉన్నాయని, వాటిని వాడండని ఆదేశించారు. పేషెంట్లను వి• కుటుంబ సభ్యులుగా భావించండని మంత్రి హరీష్‌ రావు చెప్పారు. డెత్‌ ఆడిట్‌ ఎఫెక్టివ్‌గా చెయ్యాలని, పేషెంట్లను నిర్లక్ష్యం చేయకూడదని, జనం డబ్బు నుంచే వి•కు జీతాల రూపంలో వొస్తుందని తెలిపారు. వి•కు ఏమన్నా ఇబ్బందులు ఉంటే చెప్పండన్న మంత్రి..న్యూట్రిషన్‌ కిట్స్ 4 లక్షల మంది గర్భవతులకు ఇస్తామని స్పష్టం చేశారు. నార్మల్‌ డెలివరీ కోసం ప్రెగ్నెన్సీ ఉమెన్‌కి ఎక్సర్సైజ్‌లు చేయిస్తున్నామని తెలిపారు. సెక్షన్స్ తగ్గించమని చెబుతుంటే, రివర్స్‌లో చేస్తున్నారన్న ఆయన..సీ సెక్షన్స్‌లో దేశంలోనే ఫస్ట్ ప్లేస్‌లో ఉన్నామని మంత్రి ఈ సందర్భంగా గుర్తు చేశారు.