Take a fresh look at your lifestyle.

కొంటారా..కొనరా?..తేల్చి చెప్పండి

  • కేంద్రంపై ఇక యుద్ధమే..
  • అంతం కాదిది ఆరంభం మాత్రమే
  • ప్రజల కోసం ఎందాకైనా..అడుగడుగునా నిలదీస్తాం
  • పోరాటాలు మాకు కొత్త కాదు..పదవులు మాకు తృణప్రాయం
  • తెలంగాణ పోరాటాల గడ్డ..విప్లవాల గడ్డ
  • అవసరమైతే ఢిల్లీ వరకు పోరాటం
  • చివరి రక్తం బొట్టు వరకు కొనసాగిస్తాం
  • అన్నం పెట్టే స్థాయికి ఎదిగిన తెలంగాణపై కేంద్రం కుట్ర
  • కేంద్ర విధానాలు రైతాంగానికి అశనిపాతం
  • ధర్నాచౌక్‌  ‌మహాధర్నాలో కేంద్రంపై సిఎం కెసిఆర్‌ ‌మండిపాటు
  • కేసులు పెడుతామని భయపెడుతున్నారు..దా..పెట్టు దా : బిజెపికి కెసిఆర్‌ ‌సవాల్‌

ధాన్యం కొనుగోళ్లు లక్ష్యంగా సిఎం కెసిఆర్‌ ‌కేంద్రంపై యుద్ధం ప్రకటించారు. అంతం కాదిది ఆరంభం మాత్రమే.. కాచుకోండని బిజెపి నేతలకు సవాల్‌ ‌చేశారు. ధాన్యం కొనుగోళ్లతో బిజెపి పాలన ఏ పాటిదో తెలిసిందన్న సిఎం కెసిఆర్‌.. ఎం‌దాకైనా వెళతామని ప్రకటించారు. తెలంగాణ రైతుల ప్రయోజనాలను పరిరక్షించేందుకు టీఆర్‌ఎస్‌ ‌పార్టీ చేపట్టిన రైతుల మహాధర్నాకు సంఘీభావంగా విచ్చేసిన పార్టీ ప్రజాప్రతినిధులందరికీ సీఎం కేసీఆర్‌ ‌స్వాగతం తెలిపారు. గురువారం ఇందిరా పార్కు వద్ద చేపట్టిన రైతు మహాధర్నాలో సీఎం కేసీఆర్‌ ‌పాల్గొని మాట్లాడుతూ..‘ధర్మంగా, న్యాయంగా వ్యవసాయం చేసి దేశానికి అన్నం పెట్టే స్థాయికి తెలంగాణ ఎదిగింది. కేంద్రం విధానాల వల్ల మన రైతాంగం దెబ్బతినే అవకాశం ఉంది. నేటి కేంద్ర ప్రభుత్వం రైతాంగం, వ్యవసాయం పట్ల విముఖతను కలిగి ఉన్నది.

కేంద్ర వైఖరి మార్చుకోవాలని, రైతు నిరంకుశ చట్టాలను విరమించుకోవాలని, కరెంటు బకాయిల వి•టర్లు పెట్టే విధానాన్ని మార్చుకోవాలని అనేకసార్లు చెప్పాం. కానీ కేంద్రం నుంచి స్పందన లేదు. ఈ నేపథ్యంలోనే కేంద్రంపై యుద్ధానికి శ్రీకారం చుట్టాం. ఈ యుద్ధం ఈరోజుతో ఆగిపోదు. ఇది ఆరంభం మాత్రమే. అంతం కాదు. మన హక్కులు సాధించే వరకు, రైతుల ప్రయోజనాలు పరిరక్షించబడే వరకు, ఉత్తర భారతదేశంలోని రైతుల పోరాటలను కలుపుకొని భవిష్యత్‌లో ఉధృతం చేయాల్సి ఉంటుందన్నారు. వ్యవసాయ రంగాన్ని బలోపేతం చేస్తున్నాం. కేంద్రానికి మన రైతుల గోసలను, బాధలను విన్నవించాం. పంజాబ్‌లో ధాన్యం కొనుగోలు చేసినట్టే తెలంగాణలో ధాన్యం కొనుగోలు చేయాలని కేంద్రానికి చేతులెత్తి దండం పెట్టాం. కానీ కేంద్రం నుంచి స్పందన లేదు. నిన్న స్వయంగా ప్రధాని మోదీకి లేఖ రాశాను. కానీ ఉలుకు పలుకు లేదు. మన బాధ ప్రపంచానికి, దేశానికి తెలియాలని చెప్పి ఈ ధర్నాకు శ్రీకారం చుట్టామన్నారు.

తెలంగాణ గ్రామాల్లో కూడా వివిధ రూపాల్లో పోరాటాలను ఎంచుకుంటాం. ముందుకు కొనసాగుతూనే ఉంటాం. కేంద్రం దిగివచ్చి మన రైతాంగానికి న్యాయం చేసే వరకు పోరాటం కొనసాగుతూనే ఉంది. చివరి రక్తం బొట్టు వరకు కొనసాగిస్తాం. ఈ ఉద్యమాన్ని ఉప్పెనలా కొనసాగిస్తామని సీఎం కేసీఆర్‌ అన్నారు. అద్భుతమైన పోరాటం చేసి తెలంగాణను సాధించుకున్నాం. ఈ క్రమంలో ఈ రోజు తెలంగాణ రైతాంగం ఉత్పత్తులను కొనుగోలు చేయాలని, రైతుల ప్రయోజనాలను రక్షించుకోవాలని ఈ యుద్దాన్ని ప్రారంభించాం’ అని తెలిపారు. ఇందిరా పార్క్ ‌వద్ద టీఆర్‌ఎస్‌ ‌మహాధర్నాలో కేసీఆర్‌ ‌ప్రసంగిస్తూ..హైదరాబాద్‌ ‌నగరంతో ప్రారంభమైన ఈ ఉద్యమం ఇక్కడితో ఆగదన్నారు. అవసరమైతే ఢిల్లీ వరకు కూడా యాత్ర చేయాల్సిన పరిస్థితి ఉంటుందన్నారు.  ఎక్కడిదాకా అయినా సరే పోయి మన ప్రజల ప్రయోజనాలను రక్షించుకోవాలి. తెలంగాణ పోరాటాల గడ్డ, విప్లవాల గడ్డ. తనను తాను రక్షించుకోవాలనో తెలుసు. పరాయి పాలకుల విష కౌగిలి నుంచి బయటపడి ఇప్పుడిప్పుడే స్వేచ్ఛా వాయువులు పీల్చుకొని ఒక అద్భుతమైన పద్ధతిలో ముందుకు పోతున్నాం.

తెలంగాణ రైతాంగానికి అశనిపాతంలాగా ఈ కేంద్ర ప్రభుత్వ నిర్ణయాలు దాపరిస్తున్నాయి. వాటిని ఎదర్కువడానికి, కండ్లు తెరిపించడానికీ ఈ యుద్ధానికి శ్రీకారం చుట్టామన్నారు. ఈ దేశాన్ని నడిపించే నాయకులు చాలా సందర్భాల్లో వితండవాదాలు చేశారు. ఇటీవల నియోజకవర్గాల్లో జరిపిన ధర్నాల్లో మంత్రులు, ఎమ్మెల్యేలు కూర్చున్నారు. ప్రభుత్వమే ధర్నాకు కూర్చుంటుందా? అని ప్రశ్నించారు. 2006లో నాటి గుజరాత్‌ ‌సీఎం, నేటి ప్రధాని మోదీ 51 గంటలు సీఎం హోదాలో ధర్నాకు కూర్చున్నారు. ఆయన పీఎం అయిన తర్వాత ధర్నాలు చేసే పరిస్థితులు కల్పించారు. సీఎంలు, మంత్రులు ధర్నాలో కూర్చునే పరిస్థితి మోదీ విధానాల వల్లనే వొచ్చింది. కేంద్రం సమస్యను పరిష్కరిస్తే ధర్నాల అవసరం ఉండదు. ఈ పోరాటం భవిష్యత్‌లోనూ కొనసాగుతందని సీఎం కేసీఆర్‌ ‌స్పష్టం చేశారు.

పంజాబ్‌లో ధాన్యం కొనుగోలు చేసినట్టే తెలంగాణలో ధాన్యం కొనుగోలు చేయాలని కేంద్రానికి చేతులెత్తి దండం పెట్టామని రాష్ట్ర ముఖ్యమంత్రి కల్వకుంట్ల చంద్రశేఖర్‌ ‌రావు అన్నారు. కేంద్రం విధానాల వల్ల మన రైతాంగం దెబ్బతినే అవకాశం ఉంది. కేంద్ర, రైతు నిరంకుశ చట్టాలను విరమించుకోవాలని, కరెంటు వి•టర్లు పెట్టే విధానాన్ని మార్చుకోవాలని అనేకసార్లు చెప్పాం. రైతుల ప్రయోజనాలు పరిరక్షించుకోవడానికి, ఉత్తర భారతదేశం లోని రైతుల పోరాటలను కలుపుకొని భవిష్యత్‌లో యుద్ధం చేయాల్సి ఉంటుందన్నారు. కేంద్రానికి మన రైతుల గోసలను, బాధలను విన్నవించాం. నిన్న స్వయంగా ప్రధాని మోడీకి లేఖ రాశాను. కానీ కేంద్రం నుంచి స్పందన లేదు. మన బాధ ప్రపంచానికి, దేశానికి తెలియాలని చెప్పి ఈ ధర్నాకు శ్రీకారం చుట్టాం. ఇది ఆరంభం మాత్రమే. అంతం కాదు. రానున్న రోజుల్లో గ్రామాల్లో కూడా ప్రజల హక్కు కాపాడేందుకు వివిధ రూపాల్లో పోరాటాలను ఎంచుకుని ముందుకు కొనసాగుతూనే ఉంటాం. కేంద్రం దిగివచ్చి మన రైతాంగానికి న్యాయం చేసే వరకు పోరాటం కొనసాగిస్తామని సిఎం కెసిఆర్‌ ‌పేర్కొన్నారు.

ఈ ధర్నాలో ముఖ్యమంత్రి కెసిఆర్‌ ‌తోపాటు మంత్రులు, ఎంపిలు, ఎమ్మెల్సీలు, టిఆర్‌ఎస్‌ ‌నాయకులు, వివిధ ప్రాంతాల నుంచి వొచ్చిన రైతులు పెద్ద సంఖ్యలో పాల్గొన్నారు. ముఖ్యమంత్రి కేసీఆర్‌ ఇచ్చిన పిలుపుతో పార్టీ శ్రేణులు, ప్రజాప్రతినిధులు ఇందిరాపార్క్ ‌వద్దకు భారీగా తరలి వొచ్చారు. ముఖ్యమంత్రి కేసీఆర్‌ ‌సహా మంత్రివర్గం, ఎంపీలు, ఎమ్మెల్సీలు, ఎమ్మెల్యేలు, రైతుబంధు సమితి బాధ్యులు, జడ్పీ చైర్మన్లు, మేయర్లు, మున్సిపల్‌ ‌ఛైర్మన్లు, డీసీసీబీ, డీసీఎంఎస్‌ ‌చైర్మన్లు మాత్రమే ఈ మహా ధర్నా రావాలని నిర్ణయించినప్పటికి రాష్ట్ర నలుమూలల నుంచి వేలాదిగా ధర్నాచౌక్‌కు తరలివచ్చారు. మహాధర్నా ఏర్పాట్లు అసాధారణ రీతిలో చేశారు. వేదిక వి•ద సీఎం కేసీఆర్‌, ‌మంత్రులు, వేదిక ముందు ఒక కంపార్ట్‌మెంట్లలో ఎమ్మెల్యేలు, ఎమ్మెల్సీలు, స్థానిక సంస్థల బాధ్యులు, మరో కంపార్ట్‌మెంట్లలో కార్పొరేషన్‌ ‌చైర్మన్లు, రాష్ట్ర స్థాయి నేతలకు మరో కంపార్ట్‌మెంట్‌..ఆ ‌తర్వాత ఇతరులు కూర్చునే విధంగా ఏర్పాట్లు చేశారు.

కేసులు పెడుతామని భయపెడుతున్నారు..దా పెట్టు దా : బిజెపికి కెసిఆర్‌ ‌సవాల్‌
‌మాట్లాడితే వి• వి•ద కేసులు పెడుతామని భయపెడుతున్నారు..దా పెట్టుదూదా..ఏం పెడుతావో పెట్టు అని కేసీఆర్‌ ‌బిజెపిని సవాల్‌ ‌చేశారు. కేసీఆర్‌ ‌భయపడితే తెలంగాణ వొచ్చేదా అని అన్నారు. కేసులకు భయపడే రకం కాదని హెచ్చరించారు. కేసీఆర్‌కు భయమంటే ఏందో చూపిస్తడంటా. కేసీఆర్‌ ‌భయపడుతాడా? కేసీఆర్‌ ‌భయపడితే తెలంగాణ వొచ్చేదా? అని కేసీఆర్‌ అన్నారు. ఎన్ని రోజులు కొట్లాడినం.. ఎక్కడిదాకా కొట్లాడినం. కాబట్టి ఈ పిచ్చికూతలు మానుకోవాలని హెచ్చరించారు కెసిఆర్‌.

Leave a Reply