నేటి నుంచి ఆజాదీకా అమృత్‌ మహాత్సవ్‌
నాంపల్లి పబ్లిక్‌ గార్డెన్స్‌లో ప్రారంభించనున్న సీఎం కేసీఆర్‌,
ప్రజాతంత్ర ప్రతినిధి, హైదరాబాద్ : దేశానికి స్వాతంత్య్రం సిద్ధించి 75 ఏళ్లు పూర్తవుతున్న కేంద్ర ప్రభుత్వం దేశవ్యాప్తంగా జరుపనున్న ఆజాదీ కా అమృత్‌ మహాత్సవాలను తెలంగాణలో సీఎం కేసీఆర్‌ శుక్రవారం ప్రారంభించనున్నారు.ఉదయం 11 గంటలకు నాంపల్లిలోని పబ్లిక్‌ గార్డెన్స్‌లో ఆయన జాతీయ పతాకాన్ని ఆవిష్కరించనున్నారు.
- Advertisement -
అలాగే, వరంగల్‌లో జరిగే కార్యక్రమంలో రాష్ట్ర గవర్నర్‌ డా.తమిళిసై పాల్గొననున్నారు. శుక్రవారం నుంచి ఆగస్టు 15 వరకు ఈ ఉత్సవాలు కొనసాగనున్నాయి. ఈ ఉత్సవాలను ఘనంగా నిర్వహించాలని సీఎం కేసీఆర్‌ నిర్ణయించిన సంగతి తెలిసిందే. ఇందులో భాగంగా కార్యక్రమాల నిర్వహణకు రాష్ట్ర ప్రభుత్వం ఇప్పటికే రూ.25 కోట్లను మంజూరు చేసింది. కాగా ఉత్సవాల నిర్వహణ కమిటీ చైర్మగా ప్రభుత్వ సలహాదారు డా.కెవి రమణాచారి వ్యవహరించనున్నారు.