Take a fresh look at your lifestyle.

అట్టహాసంగా టిఆర్‌ఎస్‌ ‌ప్లీనరీ

  • వరుసగా తొమ్మిదోసారి అధ్యక్షుడిగా సిఎం కెసిఆర్‌
  • ‌పార్టీ జెండా ఆవిష్కరించి, అమరులకు నివాళి
  • రాజీలేని పోరాటంతోనే రాష్ట్రం సాధించాం
  • చరిత్రలో తెలంగాణ ఉద్యమానికి, ఉద్యమకారులకు శాశ్వతంగా కీర్తి
  • ఆంధ్రాలోనూ పార్టీ పెట్టమని కోరుతున్నారు…
  • రాష్ట్రంలో కలుస్తామంటున్న కర్నాటక జిల్లాలు
  • అధ్యక్ష ఉపన్యాసంలో సిఎం కెసిఆర్‌

హైదరాబాద్‌ ‌సోమవారం హైటెక్స్‌లో టిఆర్‌ఎస్‌ ‌ప్లీనరీ అట్టహాసంగా ప్రారంభమయ్యింది. టీఆర్‌ఎస్‌ ‌పార్టీ అధ్యక్షుడిగా ముఖ్యమంత్రి కే చంద్రశేఖర్‌రావు వరుసగా తొమ్మిదోసారి ఏకగ్రీవంగా ఎన్నికయ్యారు. ఈ మేరకు టీఆర్‌ఎస్‌ ‌మాజీ ఎమ్మెల్సీ, ప్రొఫెసర్‌ శ్రీ‌నివాస్‌ ‌రెడ్డి ప్లీనరీ వేదికగా ప్రకటించారు. అనంతరం సీఎం కేసీఆర్‌ ‌టీఆర్‌ఎస్‌ ‌పార్టీ శ్రేణులకు అభివాదం చేశారు. ఈ సందర్భంగా సీఎం కేసీఆర్‌కు మంత్రులు, ఎమ్మెల్యేలు, ఎమ్మెల్సీలు, పార్టీ నాయకులు శుభాకాంక్షలు తెలిపారు. పార్టీ అధ్యక్షుడిగా కేసీఆర్‌ ‌పేరును ప్రతిపాదిస్తూ మొత్తం 18 సెట్ల నామినేషన్లు దాఖలయ్యాయి. పార్టీలోని అన్ని విభాగాలు, అన్ని సామాజికవర్గాల నేతలు కేసీఆర్‌ ‌పేరును ప్రతిపాదిస్తూ నామినేషన్లు దాఖలుచేశారు. అధ్యక్ష పదవికి ఇతరులెవ్వరూ నామినేషన్లు దాఖలు చేయకపోవడంతో కేసీఆర్‌ ఎన్నిక ప్రకటన ఏకగ్రీవమైంది. పార్టీ అధ్యక్షుడిగా కేసీఆర్‌ ఇప్పటివరకు వరుసగా ఎనిమిదిసార్లు ఏకగ్రీవంగా ఎన్నికయ్యారు. పార్టీ ఆవిర్భావం తర్వాత ఇది 9వ సంస్థాగత ఎన్నిక. చివరిసారిగా 2017లో రాష్ట్ర పార్టీ అధ్యక్ష ఎన్నిక జరిగింది.

2019లో పార్లమెంట్‌ ఎన్నికలు, 2020, 2021లో కొరోనా కారణంగా పార్టీ ప్లీనరీ నిర్వహించలేదు. హైటెక్స్‌లో టీఆర్‌ఎస్‌ ‌ప్లీనరీ అట్టహాసంగా  ప్రారంభమైంది. సీఎం కేసీఆర్‌ ‌సహా ఇతర నేతలంతా హాజరయ్యారు. టీఆర్‌ఎస్‌ అధ్యక్షుడిగా కేసీఆర్‌ ఏకగ్రీవంగా ఎన్నికయ్యారు. కేసీఆర్‌ అధ్యక్షుడిగా టీఆర్‌ఎస్‌ ‌కీలక నేత కేకే అధికారికంగా ప్రకటించారు. మూడేళ్ల తర్వాత ప్లీనరీ నిర్వహిస్తున్న నేపథ్యంలో టీఆర్‌ఎస్‌ ‌శ్రేణుల్లో జోష్‌ ‌నెలకొంది. ఈ సందర్భంగా కేసీఆర్‌ ‌మాట్లాడుతూ..తొలిసారి 2001లో జలదృశ్యంలో పార్టీ జెండాను ఆవిష్కరించామన్నారు. రకరకాల అపనమ్మకాల మధ్య గులాబి జెండా ఎగిరిందని..ఎప్పటికప్పుడు పరిస్థితులను అంచనా వేస్తూ ప్రత్యేక తెలంగాణ సాధించామన్నారు. రాష్ట్ర ఉద్యమం ప్రపంచ ఉద్యమాలను నిర్దేశించిందన్నారు. ఇది శాశ్వతంగా ఉండే కీర్తి అని కేసీఆర్‌ అన్నారు. అంతకుముందు సీఎం కేసీఆర్‌ ‌పార్టీ జెండా ఆవిష్కరించి ప్లీనరీని ఏర్పాటు చేశారు.

తెలంగాణ తల్లి విగ్రహానికి పూలమాల వేసి.. అమరవీరులకు నివాళులర్పించారు. ప్లీనరీ ప్రారంభంలో అమరవీరులను, మరణించిన పార్టీ నేతలు, కార్యకర్తలను సీఎం కేసీఆర్‌ ‌స్మరించుకున్నారు. 20 ఏండ్ల పార్టీ ప్రస్థానంలో తమతో అనేక మంది కలిసి పనిచేశారని అన్నారు. పార్టీకి నిబద్ధులైన నాయకులు కీర్తిశేషులయ్యారని, చరిత్రలో వారిపేర్లు చిరస్థాయిగా నిలవాలని చెప్పారు. కీర్తి శేషులైన పార్టీ నాయకులకు ప్లీనరీ సంతాపం తెలిపింది. రామలింగారెడ్డి, చందూలాల్‌ ‌తదితరులకు ప్రతినిధుల సభ రెండు నిమిషాలపాటు మౌనం పాటించింది. అనంతరం కెసిఆర్‌ ‌మాట్లాడుతూ తనను అధ్యక్షుడిగా తిరిగి ఎన్నుకోవడంతో మరింత బాధ్యత పెరిగిందన్నారు. అనేక అవమానాలు ఎదుర్కుని, రాజీలేని పోరాటంతోనే తెలంగాణను సాధించుకున్నామని ముఖ్యమంత్రి కేసీఆర్‌ ‌స్పష్టం చేశారు. రాష్ట్ర ఏర్పాటు తర్వాత రాష్ట్రాన్ని అన్ని రంగాల్లో అభివృద్ధి చేసుకుంటున్నామని, మన పథకాలను ఇతర రాష్ట్రాలు మాత్రమే కాకుండా, కేంద్రం కూడా కాపీ కొడుతుందని కేసీఆర్‌ అన్నారు. ప్లీనరీ వేదికలో ఆశీనులైన టీఆర్‌ఎస్‌ ‌ప్రజాప్రతినిదులకు ధన్యవాదాలు, నమస్కారాలు తెలియజేస్తున్నాను. 20 సంవత్సరాల ప్రస్థానం తర్వాత మళ్లీ ఒకసారి అధ్యక్ష బాధ్యతలు చేపట్టివల్సిందిగా, ఏగగ్రీవంగా నన్ను ఎన్నుకున్నందుకు హృదయపూర్వక ధన్యవాదాలు తెలియజేస్తున్నాను.

2001, ఏప్రిల్‌ 27 ‌స్వర్గీయ కొండా లక్ష్మణ్‌ ‌బాపూజీ ఆశ్రయం జలదృశ్యం ఆవరణలో ఈ గులాబీ పతాకాన్ని ఆవిష్కరించాము. ఆనాడు విపరీతమైన అపనమ్మక స్థితి. గమ్యం వి•ద స్పష్టత లేనటువంటి అగమ్య గోచర పరిస్థితి. ఉద్యమం వి•ద అప్పటికే ఆవరించుకున్న అనుమానాలు, అపోహాలు, దుష్ప్రచారాలు..రకరకాల అనుమానాస్పదస్థితుల మధ్య గులాబీ జెండా ఎగిరింది. నాడు తెలంగాణ సమాజం విశ్వాసం లేనటువంటి స్థితిలో ఉంది. ఈ సమాజం ఆ స్థితి నుంచి బయటకు రావాలని మాట్లాడుకున్నాం. దేశ స్వాతంత్య ్రపోరాటం మహాత్మగాంధీ ఆధ్వర్యంలో సాగింది. స్వాతంత్య్ర సమరబాటలో 287 సార్లు అనేక ఉద్యమాలకు పిలుపునిచ్చి, వాటిని వాపస్‌ ‌కూడా తీసుకున్నారు. 1857లో సిపాయిల తిరుగుబాటు విఫలమైంది.

జలియన్‌ ‌వాలాబాగ్‌ ‌మారణకాండ జరిగింది. అయినా స్వాతంత్య్ర పోరాటం ఆగలేదు. విజయం సాధించింది. ఆ పంథాలోనే తెలంగాణ ఉద్యమం సాగింది. స్పష్టమైనటువంటి మార్గాన్ని నిర్దేశిరచుకుని ముందుకు సాగడం జరిగింది. వి•లో చాలా మంది మొదటి రోజు నుంచి నేటి వరకు పని చేస్తూనే ఉన్నారు. సిపాయిల తిరుగుబాటు విఫలమైందని అనుకుంటే దేశానికి వొచ్చేదా స్వాతంత్య్రం..రాజీలేని పోరాటమే విజయం సాధిస్తుంది. ముమ్మాటికీ తెలంగాణ వొచ్చి తీరుతుందని అని నిర్ణయించుకున్నాం. అలా అనేక రకాలుగా పోరాటం చేసి తెలంగాణ సాధించుకున్నాము. సమైక్యవాదులు అనేక అడ్డంకులు సృష్టించారు. చేయని ప్రయత్నం లేదు. వేయని నిందలు లేవు. పెట్టని తిప్పలు లేవు. ఎన్ని జేయాల్నో అన్ని చేశారు.

చివరికి రాజ్యసభలో బిల్లు పాస్‌ అయ్యే ముందు కూడా అడ్డంకులు సృష్టించేందుకు ప్రయత్నించారు. మనం కూడా అంతే పట్టుదలతో ఎప్పటికప్పుడు వివ్లేషించుకుంటూ ముందుకు సాగినం కాబట్టి విజయతీరాలకు చేరి రాష్టాన్ని్ర సాధించుకున్నాం. తెలంగాణ ఉద్యమం ప్రపంచ ఉద్యమాలకు కొత్త బాటను చూపాయి. చరిత్రలో తెలంగాణ ఉద్యమానికి, ఉద్యమకారులకు శాశ్వతంగా కీర్తి ఉండిపోతుంది అని సీఎం కేసీఆర్‌ ‌పేర్కొన్నారు.

తెలంగాణ తల్లికి కెసిఆర్‌ ‌నివాళి
తెలంగాణ తల్లి విగ్రహానికి పూలమాల వేశారు. అనంతరం అమరవీరుల స్థూపానికి కేసీఆర్‌ ‌నివాళులర్పించారు. అంతకు ముందు టీఆర్‌ఎస్‌ ‌పార్టీ జెండాను సీఎం ఆవిష్కరించారు. వేదికపై ఆశీనులైన సీఎం కేసీఆర్‌కు హోంమంత్రి మహముద్‌ అలీ దట్టీ కట్టారు. టీఆర్‌ఎస్‌ ‌నాయకులతో హైటెక్స్ ‌నిండిపోయింది.
ఆంధ్రాలోనూ పార్టీ పెట్టమని కోరుతున్నారు…రాష్ట్రంలో కలుస్తామంటున్న కర్నాటక జిల్లాలు
రాష్ట్ర ప్రభుత్వం ప్రవేశపెడుతున్న అభివృద్ధి, సంక్షేమ పథకాలు..ఇతర రాష్ట్రాల ప్రజలను ఆకర్షిస్తున్నాయని ముఖ్యమంత్రి కేసీఆర్‌ ‌తెలిపారు. టీఆర్‌ఎస్‌ ‌ప్లీనరీలో సీఎం కేసీఆర్‌ అధ్యక్షోపన్యాసం చేశారు. దళిత బంధు ప్రకటించాక ఆంధ్ర నుంచి వేల విజ్ఞాపనలు వొచ్చాయి. ఆంధప్రదేశ్‌లో వి• పార్టీ పెట్టండి గెలిపించుకుంటామని చెబుతున్నారు. తెలంగాణ పథకాలు తమకు కావాలని ఆంధ్రా ప్రజలు కోరుతున్నారు. తెలంగాణలో మంచి పథకాలు అమలవుతున్నాయని, ఆ రాష్ట్రంలో మమ్మల్ని కూడా కలపాలని కోరుతూ నాందేడ్‌, ‌రాయచూర్‌ ‌జిల్లాల నుంచి డిమాండ్లు వొచ్చాయి. ఉత్తరాది నుంచి వేల సంఖ్యలో కూలీలు వొచ్చి పని చేస్తున్నారు. దేశ, విదేశాల్లో రాష్ట్ర ప్రతిష్ఠ ఇనుమడిస్తుందన్నారు.

కేసులతో అభివృద్ధిని అడ్డుకోవాలని ఎన్నో ప్రయత్నాలు చేశారు. పాలమూరులో పెండింగ్‌ ‌ప్రాజెక్టులను పూర్తి చేశామన్నారు. సాహసం లేకుండా ఏ కార్యం సాధ్యం కాదు. కలలు కని..ఆ కలలనే శ్వాసిస్తే సాకారమవుతాయి. రాష్ట్రంలో అద్భుతంగా వ్యవసాయ స్థీరీకరణ జరిగింది. మనం విడిపోయిన ఏపీ తలసరి ఆదాయం రూ. 1.70 లక్షలే. తెలంగాణ తలసరి ఆదాయం రూ. 2.35 లక్షలకు పెరిగింది. తెలంగాణ రాష్ట్రం ఏర్పడితే కరెంట్‌ ‌సమస్యలు వొస్తాయని కొందరు ఏపీ నేతలు అపోహలు సృష్టించారు. కానీ తెలంగాణలో 24 గంటల నాణ్యమైన ఉచిత కరెంట్‌ ఇస్తున్నాం. ఆంధ్రాలో 24 గంటల కరెంట్‌ ఇచ్చే పరిస్థితి లేదు. అన్ని రంగాల్లో తెలంగాణ ప్రభుత్వం సఫలీకృతమవుతందని సీఎం కేసీఆర్‌ అన్నారు.

Leave a Reply