29 లోగా పాలక మండళ్ల సమావేశాలు

• వేసవిలో మంచినీటి ఎద్దడి నివారణకు చర్యలు

• ప్రతి మున్సిపాలిటీలోనూ కాల్ సెంటర్

• టిడ్కో ఇళ్లను త్వరితగతిన  పూర్తి చేయాలి

• పారిశుద్ధ్య నిర్వహణపై ప్రత్యేక శ్రద్ధ

బుధవారం నాడు విజయవాడలోని  ఎఎంఆర్ డిఎ కార్యాలయం నుంచి నిర్వహించిన వీడియో కాన్ఫరెన్సులో పలు అంశాలపై ఆయన సమీక్షించారు. పురపాలక శాఖ ప్రత్యేక ప్రధాన కార్యదర్శి వై శ్రీలక్ష్మి, సిడిఎంఎ ఎం.ఎం. నాయక్ , టిడ్కో ఎండి శ్రీధర్, స్వచ్ఛాంధ్ర కార్పొరేషన్ ఎండి సంపత్ , ఇంజనీర్ ఇన్ ఛీప్ చంద్రయ్య, మెప్మా ఎండి విజయలక్ష్మి  తదితర ఉన్నతాధికారులు  ఈ వీడియో కాన్పరెన్సులో పాల్గొన్నారు.  పట్టణ ప్రాంత స్థానిక సంస్థల ఎన్నికలను సమర్ధంవంతంగా నిర్వహించినందుకు పురపాలక శాఖ సిబ్బందిని ఆయన ప్రత్యేకంగా అభినందించారు.

వేసవి కాలంలో పట్టణ ప్రాంతాల్లో మంచినీటి కొరత లేకుండా అన్ని రకాల ముందస్తు చర్యలను తీసుకోవాలని, వచ్చే మూడు నెలల కాలానికి అవసరమైన నీటి నిల్వలను ట్యాపింగ్ చేసుకుని ఉంచుకోవాలని కమిషనర్లను ఆదేశించారు. ఏ ఒక్క ప్రాంతంలో కూడా తాగునీటి ఇబ్బంది అనేది ఎదురవ్వకుండా, చూడాలన్నది గౌరవ ముఖ్యమంత్రి జగన్ మోహన్ రెడ్డి గారి ఆలోచన అని అందుకు అనుగుణంగా  కట్టుదిట్టమైన కార్యాచరణను రూపొందించుకుని అన్ని రకాల చర్యలు తీసుకోవాలని మంత్రి అన్నారు.

 పాలకమండళ్లలో సమగ్రంగా చర్చించిన తరువాతనే తుది ప్రతిపాదనలు, కార్యాచరణను తయారు చేయాలని స్పష్టం చేశారు. మంచినీటి సమస్యల కోసం ప్రత్యేకంగా ఒక కాల్ సెంటర్ ను ఏర్పాటు చేసి, సమస్యల పరిష్కారానికి ప్రత్యేక శ్రద్ధ చూపాలని మంత్రి పేర్కొన్నారు. అన్ని సమ్మర్ స్టోరేజి ట్యాంకుల్లో సమృద్ధిగా నీళ్లు ఉండేలా చూడటంతోపాటు, ప్రతినిత్యం నీటి పంపిణీ, నాణ్యతా పరీక్షలు నిర్వహించి ప్రజలకు ఎలాంటి ఇబ్బందులు తలెత్తకుండా కట్టుదిట్టమైన చర్యలు తీసుకోవాలని ఆదేశించారు. వేసవిలో నీటి ఎద్దడి ఎక్కువగా ఉండే ప్రాంతాల్లో అవసరమైన బోరింగులు, నీటి సరఫరా కోసం అవసరమైన ట్యాంకర్లను ఇప్పటి నుంచే అందుబాటులోకి ఉంచుకుని ఏ ఒక్కరూ ఇబ్బంది పడకుండా అన్ని రకాల చర్యలు తీసుకోవాలని మంత్రి నిర్దేశించారు. మంచినీటి సరఫరా చేసేందుకు ఉద్దేశించిన పథకాల పనులను వేగవంతం చేయాలని, సంబంధిత ఇంజనీర్లు పనుల పురోగతిని నిత్యం సమీక్షించాలని ఆదేశించారు.  

 టిడ్కో గృహాల పనులు వేగవంతం