సిద్ధిపేటలో  ఘనంగా 72వ గణతంత్ర దినోత్సవ వేడుకలు

- Advertisement -

ప్రెస్‌క్లబ్‌లో మీడియా అకాడమీ సభ్యుడు కొమురవెళ్లి అంజయ్య, ప్రెస్‌క్లబ్‌ అధ్యక్షుడు కలకుంట్ల రంగాచారి తదితరులు జాతీయ జెండాను ఆవిష్కరించారు. మైత్రి వనంలోని  కాంగ్రెస్‌ ‌పార్టీ  జిల్లా కార్యాలయంలో ఆ పార్టీ జిల్లా అధ్యక్షుడు తూంకుంట నర్సారెడ్డి, బిజెపి జిల్లా కార్యాలయంలో పార్టీ జిల్లా అధ్యక్షుడు దూది శ్రీకాంత్‌రెడ్డి జాతీయ జెండాను ఆవిష్కరించారు. గణతంత్ర దినోత్సవం సందర్భంగా సిద్ధిపేటలోని చారిత్రాత్మక బురుజు త్రివర్ణ శోభితంతో కళకళలాడింది. మంత్రి తన్నీరు హరీష్‌రావు ప్రత్యేక చొరవతో పురాతన బురుజును అభివృద్ధి చేయడంతో పాటు ఆధునీకరించారు. దీంతో ఈ పురాతన బురుజుకు పూర్వవైభవం రావడమే కాకుండా దేశభక్తికి నిలువెత్తు నిదర్శనంగా నిలిచింది. త్రివర్ణ రంగులతో సిద్ధిపేట పట్ణం కొత్త శోభను సంతరించుకుంది.