Take a fresh look at your lifestyle.

ఎపిలో తాజాగా 62 కేసులు నమోదు

అమరావతి,మే 2 :  ఆంధ్రప్రదేశ్‌లో గత 24 గంటల్లో 5943 నమూనాలను పరీక్షించగా.. 62 కరోనా పాజిటివ్‌ ‌కేసులు నమోదయ్యాయని రాష్ట్ర ఆరోగ్యశాఖ శనివారం ఉదయం ప్రకటించింది. దీంతో మొత్తం కేసుల సంఖ్య 1525 కు చేరుకుందని తెలిపింది. కోవిడ్‌ ‌బాధితుల్లో తాజాగా 38 మంది కోలుకుని ఆస్పత్రి నుంచి డిశ్చార్జ్ అయ్యారని, దీంతో కోలుకున్న వారి మొత్తం సంఖ్య 441 కు చేరుకుందని పేర్కొంది. వైరస్‌ ‌బారినపడి రాష్ట్రంలో ఇప్పటివరకు 33 మంది మరణించారని, గడిచిన 24 గంటల్లో ఎంటువంటి కోవిడ్‌ ‌మరణాలు సంభవించలేదని ఆరోగ్యశాఖ తెలిపింది. ప్రస్తుతం రాష్ట్రంలో 1051 యాక్టివ్‌ ‌కేసులు ఉన్నట్టు వెల్లడించింది.

జిల్లాల వారీగా కరోనా బాధితులు, కోలుకున్నవారి వివరాలతో జాబితా విడుదల చేసింది.కరోనా వైరస్‌ ‌వ్యాప్తిచెందకుండా ఆంధ్రప్రదేశ్‌ ‌ప్రభుత్వం కఠిన చర్యలు తీసుకుంటోంది. కోవిడ్‌-19 ‌కట్టడి చర్యల్లో భాగంగా లాక్‌ ‌డౌన్‌ ‌నిబంధనలను ఏపీ సర్కారు కఠినంగా అమలు చేస్తోంది. ఈ నేపథ్యంలో కర్నూలులో రెడ్‌జోన్‌ ‌ప్రాంతాల్లో డ్రోన్‌ ‌కెమెరాలతో పరిస్థితిని ఎస్పీ ఫక్కీరప్ప సక్షించారు. డ్రోన్‌ ‌కెమెరాలకు స్పీకర్‌ ఏర్పాటు చేసి బయట తిరిగే వారిని పోలీసులు అప్రమత్తం చేశారు. అనవసరంగా వాహనాలపై తిరిగితే కఠిన చర్యలు తీసుకుంటామని ఎస్పీ ఫక్కీరప్ప హెచ్చరించారు.

Leave a Reply