Take a fresh look at your lifestyle.

19‌న రాష్ట్రమంత్రివర్గ సమావేశం

  • కేంద్ర మార్గదర్శకాలు, లాక్‌డౌన్‌ ‌పొడిగింపుపై చర్చ

తెలంగాణ రాష్ట్ర మంత్రివర్గ సమావేశం ఈనెల 19న జరుగనుంది. ముఖ్యమంత్రి కేసీఆర్‌ అధ్యక్షతన ప్రగతి భవన్‌లో మధ్యాహ్నం 2 30 గంటలకు ఈ సమావేశం జరుగనుంది. కొరోనా వైరస్‌ ‌కట్టడికి రాష్ట్రంలో ప్రస్తుతం లాక్‌డౌన్‌, ‌కర్ఫ్యూ అమలులో ఉంది. అయితే, రాష్ట్రంలో లాక్‌డౌన్‌ ఈనెల 30 వరకు కొనసాగుతుందని సీఎం గతంలో ప్రకటించారు. ఆ తరువాత లాక్‌డౌన్‌ను మే 3 వరకు పొడిగిస్తున్నట్లు ప్రధాన మంత్రి నరేంద్ర మోదీ వెల్లడించారు. అలాగే, లాక్‌డౌన్‌ అమలుకు సంబంధించి ఈనెల 20 నుంచి కొన్ని మినహాయింపులను సైతం కేంద్రం ప్రకటించింది. ఈ నేపథ్యంలో కేంద్రం నిర్ణయం మేరకు రాష్ట్రంలో లాక్‌డౌన్‌ను మే 3 వరకు పొడిగించాలా ? లేక పూర్తిగా ఎత్తి వేయాలా ? అనే అంశంపై రాష్ట్ర మంత్రివర్గం చర్చించనుంది.

అలాగే, కేంద్రం జారీ చేసిన మార్గదర్శకాలను అనుగుణంగా ఏప్రిల్‌ 20 ‌తరువాత అత్యవసర రంగాలకు సంబంధించి సడలింపులు ఎలా ఇవ్వాలి ? వాటిని ఏ విధంగా అమలు చేయాలనే అంశంపై మంత్రివర్గం విస్త•తంగా చర్చించనుంది. కేంద్రం ప్రకటించిన మార్గదర్శకాల ప్రకారం ఈనెల 20 వరకూ లాక్‌డౌన్‌ ‌యధావిధిగా కొనసాగుతుందనీ, ఆ తరువాత కేసుల నమోదు పరిస్థితిని బట్టి మార్పులు చేసే అవకాశం ఉందని సీఎం కేసీఆర్‌ ‌బుధవారం నిర్వహించిన ఉన్నత స్థాయి సమావేశంలో వెల్లడించారు. ఈ నేపథ్యంలో ఆదివారం జరిగే రాష్ట్రమంత్రివర్గ సమావేశం తీసుకునే నిర్ణయంపై ప్రజలు ఆసక్తిగా ఎదిరి చూస్తున్నారు. ఇదిలా ఉండగా, కేంద్రం బుధవారం ప్రకటించిన మేరకు రాష్ట్రంలోని రెడ్‌ ‌జోన్లు, ఆరెంజ్‌ ‌జోన్లలో రాష్ట్ర ప్రభుత్వం మరింత కట్టుదిట్టంగా నిబంధనలను అమలు చేస్తున్నది.

Get real time updates directly on you device, subscribe now.

Leave a Reply